صحیح ابن حبان

سیدنا اغر مزنی رضی اللہ عنہ جو نبی اکرم صلی اللہ علیہ وسلم کے صحابی ہیں وہ بیان کرتے ہیں: نبی اکرم صلی اللہ علیہ وسلم نے یہ بات ارشاد فرمائی ہے۔ ” بعض اوقات میرے دل پر ایک خاص کیفیت طاری ہوتی ہے اور میں روزانہاللہ تعالیٰ سے ایک سو مرتبہ مغفرت طلب کرتا ہوں ۔“
(امام ابن حبان رحمہ اللہ فرماتے ہیں:) نبی اکرم صلی اللہ علیہ وسلم کا یہ فرمان ” میرے دل پر ایک خاص کیفیت طاری ہوتی ہے ہے ۔“ اس سے آپ کی مراد یہ ہے، سینے کی تنگی کے حوالے سے آپ پر تکلیف کی کیفیت طاری ہوتی ہے۔ جب آپ کسی نیکی کی وجہ سے کوئی ایسا کام نہیں کر پاتے۔ جو نیکی کا کام ہوتا ہے، اور آپ اس بارے میں غور و فکر کرتے تھے۔ یا جب آپ اس چیز کا اہتمام کرتے، جن احکام کا آپ کو علم نہیں ہے، اور ایسا ان کے نازل ہونے سے پہلے ہوتا، تو نبی اکرم صلی اللہ علیہ وسلم گویا سورۃ البقرہ میں موجود احکام سے مکہ میں اپنی لاعلمی کو ذنب شمار کرتے جو لاعلمی مدینہ منورہ میں سورۃ نازل ہونے سے پہلے تھی، تو اس وجہ سے آپ کے دل پر مخصوص کیفیت طاری ہو جاتی، یہاں تک کہ آپ روزانہ ایک سو مرتبہاللہ تعالیٰ سے مغفرت طلب کرتے۔ اس سے یہ مراد نہیں ہے، آپ سے کسی گناہ کے ارتکاب کی وجہ سے آپ کے دل پر پردہ آ جاتا۔ جس طرح کہ آپ کی اُمت کے ساتھ ہوتا ہے۔