صحیح ابن حبان

سیدنا علی بن ابوطالب رضی الله عنہ بیان کرتے ہیں: نبی اکرم صلی اللہ علیہ وسلم نے مجھے چند کلمات کی تعلیم دی تھی۔ آپ نے مجھے یہ ہدایت کی تھی جب بھی مجھے کوئی تکلیف یا مصیبت لاحق ہو، تو میں یہ کلمات پڑھ لوں۔ ”اللہ تعالیٰ کے علاوہ کوئی معبود نہیں ہے، جو بردبار اور معزز ہے۔ اللہ کی ذات پاک ہے وہ برکت والا ہے جو عظیم عرش کا پروردگار ہے حمداللہ تعالیٰ کے لئے مخصوص ہے، جو تمام جہانوں کا پروردگار ہے ۔“