صحیح ابن حبان

ابوطفیل بیان کرتے ہیں: نافع بن عبدحارث کی ملاقات سیدنا عمر بن خطاب رضی اللہ عنہ سے ” عسفان “ کے مقام پر ہوئی۔ نافع سیدنا عمر رضی اللہ عنہ کی طرف سے مکہ مکرمہ کے گورنر تھے۔ سیدنا عمر رضی اللہ عنہ نے دریافت کیا: تم نے اپنے پیچھے کس کو مکہ میں اپنا نائب مقرر کیا ہے، تو انہوں نے جواب دیا: ابن ابزی کو سیدنا عمر رضی اللہ عنہ نے دریافت کیا۔ ابن ابزی کون ہے؟ اس نے جواب دیا: ایک آزاد کردہ غلام ہے، تو سیدنا عمر رضی اللہ عنہ نے فرمایا: تم نے ان لوگوں پر اپنا ایک آزاد کردہ غلام نائب بنا دیا ہے، تو نافع نے ان سے گزارش کی کہ وہ اللہ کی کتاب کا عالم ہے، تو سیدنا عمر رضی اللہ عنہ نے فرمایا: تمہارے نبی نے یہ بات ارشاد فرمائی ہے: ” بے شکاللہ تعالیٰ اس قرآن کی وجہ سے کچھ لوگوں کو سر بلندی عطا فرمائے گا اور کچھ دوسرے لوگوں کو پستی عطا کرے ۔“