صحیح ابن حبان

عامر بن عبداللہ بیان کرتے ہیں: جب سیدنا سلمان الخیر (یعنی سیدنا سلمان فارسی رضی اللہ عنہ) کے انتقال کا وقت قریب آیا، تو لوگوں نے ان پر گھبراہٹ محسوس کی۔ لوگوں نے دریافت کیا: اے ابوعبداللہ! آپ کیوں گھبرا رہے ہیں؟ جبکہ آپ کو بھلائی کی طرف سبقت لے جانے کا شرف حاصل ہے۔ آپ نے نبی اکرم صلی اللہ علیہ وسلم کے ہمراہ غزوات میں شرکت کی ہے اور بڑی فتوحات میں حصہ لیا ہے، تو سیدنا سلمان فارسی نے فرمایا مجھے یہ چیز گھبراہٹ کا شکار کر رہی ہے کہ ہمارے حبیب صلی اللہ علیہ وسلم جب ہم سے جدا ہوئے تھے، تو آپ نے ہم سے یہ عہد لیا تھا آپ نے فرمایا تھا۔ ” تم میں سے کسی شخص کے لئے ایک دن کے لئے اتنی چیز کافی ہے، جو کسی سوار کا زاد سفر ہوتی ہے ۔“ تو یہ چیز مجھے گھبراہٹ کا شکار کر رہی ہے، پھر جب سیدنا سلمان فارسی رضی اللہ عنہ کا مال جمع کیا گیا، تو اس کی قیمت پندرہ دینار بنتی تھی۔ (امام ابن حبان رحمہ اللہ فرماتے ہیں:) عامر نامی راوی عامر بن عبدقیس ہیں، جبکہ سلمان خیر سے مراد سیدنا سلمان فارسی رضی اللہ عنہ ہیں۔