صحیح ابن حبان

سیدنا ابوہریرہ رضی اللہ عنہ بیان کرتے ہیں: دو آدمی نبی اکرم صلی اللہ علیہ وسلم کے پاس بیٹھے ہوئے تھے۔ ان میں سے ایک دوسرے سے معزز حیثیت کا مالک تھا۔ معزز آدمی کو چھینک آئی، تو اس نےاللہ تعالیٰ کی حمد بیان نہیں کی۔ دوسرے شخص کو چھینک آئی، تو اس نےاللہ تعالیٰ کی حمد بیان کی، تو نبی اکرم صلی اللہ علیہ وسلم نے اسے چھینک کا جواب دیا۔ اس شخص نے عرض کی: یا رسول اللہ! مجھے چھینک آئی تھی، تو آپ نے مجھے، تو جواب نہیں دیا۔ اس شخص کو چھینک آئی ہے، تو آپ نے اسے جواب دیدیا ہے۔ نبی اکرم صلی اللہ علیہ وسلم نے ارشاد فرمایا: اس شخص نےاللہ تعالیٰ کا ذکر کیا تھا، تو میں نے اس کا ذکر کیا اور تم بھول گئے تھے تو میں بھی تمہیں بھول گیا تھا۔