صحیح ابن حبان

ہلال بن یساف بیان کرتے ہیں: میں سالم بن عبید کے ہمراہ ایک جنگ میں شریک ہوا۔ حاضرین میں ایک صاحب کو چھینک آ گئی، تو انہوں نے کہا: السلام علیکم، تو سالم نے کہا: تم پر بھی سلام ہو اور تمہاری والدہ پر بھی سلام ہو، اس آدمی کو یہ بہت برا لگا۔ سالم نے اس سے کہا: تمہیں شاید یہ بات بری لگی ہے۔ وہ بولا: مجھے یہ بات پسند نہیں ہے کہ میری والدہ کا تذکرہ کیا جائے۔ خواہ بھلائی کے ساتھ کیا جائے یا برائی کے ساتھ کیا جائے، تو سالم نے کہا: ہم نبی اکرم صلی اللہ علیہ وسلم کے ساتھ ایک سفر میں شریک تھے۔ ایک صاحب کو چھینک آ گئی، تو انہوں نے کہا: السلام علیکم کہا: تو نبی اکرم صلی اللہ علیہ وسلم نے فرمایا: تم پر بھی سلام ہو اور تمہاری والدہ پر بھی ہو؟ جب کسی شخص کو چھینک آئے، تو اسے الحمدالله على كل حال کہنا چاہئے یا الحمدلله رب العلمین کہنا چاہئے اور دوسرا شخص اس کے جواب میں يرحمك الله کہے اور وہ شخص اسے یہ کہے یغفرالله لكم (اللہ تعالیٰ تمہاری مغفرت کرے)