صحیح ابن حبان

سیدنا عبداللہ بن عمرو بن العاص رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” رحمان کی عبادت کرو (اپنے درمیان) سلام کو پھیلاؤ کھانا کھلاؤ اور جنت میں داخل ہو جاؤ ۔“
(امام ابن حبان رحمہ اللہ فرماتے ہیں:) نبی اکرم صلی اللہ علیہ وسلم کا یہ فرمان: تم رحمن کی عبادت کرو یہ ایسے الفاظ ہیں، جو مخاطبین کے اختلاف کے حوالے سے کئی شعبوں کے لئے استعمال ہو سکتے ہیں، جن کا ذکر ہم پہلے کر چکے ہیں، جو اس وصف کے ہمراہ ہے، اور نبی اکرم صلی اللہ علیہ وسلم کا یہ فرمان: ” تم لوگ سلام کو پھیلاؤ “ یہ ایسے الفاظ ہیں، جو عموم پر اطلاق کیے جاتے ہیں، لیکن تمام حالتوں میں ان کا استعمال واجب نہیں ہے۔ کیونکہ اگر آدمی ان کو تمام حالتوں میں استعمال کرے گا، اور ہر شخص کے لئے کرے گا، تو پھر معاملہ تنگی کا باعث بن جائے گا، اور یہ چیز آدمی کی گنجائش سے باہر نکل آئے گی اور اس صورت میں مسلمانوں پر یہ بات لازم کرنا آئے گا کہ وہ سلام کا جواب دیں، کیونکہ سلام کا جواب دینا فرض ہے۔ تو یہ چیز کفایت کر جائے گی، تو وہ سلام، جو آغاز میں کیا جاتا ہے، جس کے فرض ہونے کی تخصیص نہیں ہے مناسب ہے کہ وہ کفایت کر جائے۔ نبی اکرم صلی اللہ علیہ وسلم کا یہ فرمان: ” تم لوگ کھانا کھلاؤ ۔“ یہ ایسا حکم ہے کہ اس پر عمل کرنا مستحب ہے، اور اس کا مقصود ثواب کے حصول کے لئے اس کی ترغیب دینا ہے۔