صحیح ابن حبان

سیدنا ابوہریرہ رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”اللہ تعالیٰ نے رحم کو پیدا کیا، یہاں تک کہ جب وہ اس کی تخلیق سے فارغ ہو گیا، تو رحم کھڑا ہوا اس نے عرض کی: یہ قطع رحمی سے پناہ مانگنے والوں کا مقام ہے۔اللہ تعالیٰ نے فرمایا: جی ہاں! کیا تم اس بات سے راضی نہیں ہو کہ جو تمہیں ملا کر رکھے گا۔ میں اسے ملاؤں گا اور جو تمہیں کاٹ دے گا میں اسے کاٹ دوں گا۔ اس نے عرض کی: جی ہاں!اللہ تعالیٰ نے فرمایا: یہ چیز تمہیں مل گئی ۔“ نبی اکرم صلی اللہ علیہ وسلم نے فرمایا: اگر تم چاہو، تو یہ آیت تلاوت کر لو۔ ” (اے منافقین!) عنقریب یہ ہو گا کہ اگر تم واپس چلے گئے تو تم زمین میں فساد پیدا کرو گے اور رشتے داری کے حقوق کو پامال کرو گئے، یہی وہ لوگ ہیں جن پراللہ تعالیٰ نے لعنت کی ہے، انہیں بہرہ کیا ہے اور ان کی بصارت کو اندھا کر دیا ہے ۔“