صحیح ابن حبان

عطاء بن یسار، جو مدینہ منورہ کے قاضی ہیں، وہ بیان کرتے ہیں: میں نے سیدنا عبداللہ بن مسعود رضی اللہ عنہ کو یہ بیان کرتے ہوئے سنا ہے، نبی اکرم صلی اللہ علیہ وسلم نے یہ بات ارشاد فرمائی ہے: عنقریب میرے بعد ایسے حکمران آئیں گے، جو وہ بات کہیں گے، جو وہ کرتے نہیں ہوں گے، اور وہ لوگ ایسے کام کریں گے، جن کا انہیں حکم نہیں دیا گیا ہو گا۔ تو جو شخص اپنے ہاتھ کے ذریعے ان کے ساتھ جہاد کرے گا، وہ مومن ہو گا اور جو اپنی زبان کے ذریعے ان کے ساتھ جہاد کرے گا، وہ مؤمن ہو گا اور جو شخص اپنی زبان کے ذریعے ان کے ساتھ جہاد کرے گا، وہ مؤمن ہو گا اور جو شخص اپنے دل کے ذریعے ان کے ساتھ جہاد کرے گا، وہ مومن ہو گا۔ اس کے بعد ایمان نہیں ہو گا۔ عطاء نامی راوی کہتے ہیں: جب میں نے سیدنا عبداللہ بن مسعود رضی اللہ عنہ کی زبانی یہ حدیث سنی، تو میں یہ روایت لے کر سیدنا ابن عمر رضی اللہ عنہ کے پاس گیا اور میں نے انہیں اس بارے میں بتایا تو انہوں نے دریافت کیا: کیا تم نے سیدنا عبداللہ بن مسعود رضی اللہ عنہ کو یہ بات بیان کرتے ہوئے خود سنا ہے؟ عطاء کہتے ہیں: میں نے کہا: وہ بیمار ہیں۔ کیا وجہ ہے، آپ ان کی عیادت کے لئے نہیں جاتے، تو سیدنا عبداللہ بن عمر رضی اللہ عنہ نے فرمایا: تم ہمیں ان کے پاس لے جاؤ۔ جب سیدنا عبداللہ بن عمر رضی اللہ عنہ وہاں تشریف لے گئے، تو ان کے ساتھ میں بھی گیا سیدنا عبداللہ بن عمر رضی اللہ عنہ نے ان سے ان کی بیماری کے بارے میں دریافت کیا: پھر ان سے اس حدیث کے بارے میں دریافت کیا۔ راوی کہتے ہیں: جب سیدنا عبداللہ بن عمر رضی اللہ عنہ وہاں سے نکلے، تو وہ اپنی ہتھیلی پلیٹ رہے تھے اور یہ کہہ رہے تھے: ابن ام عبد (یعنی سیدنا عبداللہ بن مسعود رضی اللہ عنہ) نبی اکرم صلی اللہ علیہ وسلم کی طرف جھوٹی بات منسوب نہیں کر سکتے۔