صحیح ابن حبان

سیدنا ابوہریرہ رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ” ہر پیدا ہونے والا بچہ فطرت پر پیدا ہوتا ہے، لیکن اس کے ماں باپ اسے یہودی یا عیسائی بنا دیتے ہیں، جس طرح اونٹنیاں صحیح و سالم بچے کو جنم دیتی ہیں۔ کیا تمہیں ان میں سے کوئی کان کٹا ہوا ملتا ہے ۔“ لوگوں نے عرض کی: یا رسول اللہ! ایسے بچے کے بارے میں آپ کی کیا رائے ہے، جو کمسنی میں انتقال کر جائے؟ تو نبی اکرم صلی اللہ علیہ وسلم نے ارشاد فرمایا: ”اللہ تعالیٰ زیادہ بہتر جانتا ہے، جو اس نے عمل کرنے تھے ۔“