صحیح ابن حبان

سیدنا جابر رضی اللہ عنہ، نبی اکرم صلی اللہ علیہ وسلم کا یہ فرمان نقل کرتے ہیں: ” قرآن ایسا سفارشی ہے، جس کی سفارش قبول کی جائے گی اور ایسا جھگڑالو ہے (یعنی وہاللہ تعالیٰ کی بارگاہ میں اپنے پڑھنے والے کے لئے بحث کرے گا)، جس کی تصدیق کی جائے گی، جو شخص اسے اپنا پیشوا بنائے گا، یہ اسے جنت کی طرف لے جائے گا اور جو شخص اسے پس پشت ڈال دے گا، یہ اسے جہنم کی طرف لے جائے گا ۔“
(امام ابن حبان رحمہ اللہ وہ فرماتے ہیں:) جو شخص علم حدیث میں مہارت نہیں رکھتا اس روایت کے الفاظ میں اسے اس غلط فہمی کا شکار کیا کہ قرآن کو بنایا گیا ہے اور یہ مخلوق ہے، حالانکہ ایسا نہیں ہے۔ ان الفاظ سے مراد یہ ہے: جیسا کہ ہم نے اپنی کتابوں میں یہ بات تحریر کی ہے: عرب اپنے محاور ے میں بعض اوقات کسی چیز کے اسم کا اطلاق اس کے سبب پر کرتے ہیں، جس طرح وہ اس سبب کے اسم کا اطلاق اس چیز پر کر دیتے ہیں۔ تو جب قرآن پر عمل کرنا، کرنے والے شخص کو جنت کی طرف لے جائے گا تو اس چیز یعنی قرآن پر عمل کرنے کے اسم کا اطلاق اس کے سبب یعنی قرآن پر کیا گیا۔ اس سے مراد یہ نہیں ہے کہ قرآن مخلوق ہے۔