صحیح ابن حبان

سیدنا جابر رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے:
” تم علم اس لئے حاصل نہ کرو، تاکہ اس کی وجہ سے علماء کے سامنے فخر کا اظہار کرو، اور تم لوگ اس کے ذریعے بے وقوفوں کے ساتھ بحث کرو، اور اس کے ذریعے خود کو محفل میں نمایاں کرنے کی کوشش کرو، جو شخص ایسا کرے گا (تو اس کا انجام) جہنم ہے ۔“

سیدنا ابوہریرہ رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے:
” جو شخص کوئی ایسا علم حاصل کرتا ہے، جس کی وجہ سےاللہ تعالیٰ کی رضا حاصل کی جا سکتی ہے، لیکن وہ شخص اسے کسی دنیاوی فائدے کے لئے حاصل کرتا ہے، تو وہ شخص قیامت کے دن جنت کی خوشبو کو بھی نہیں پا سکے گا۔ “
یہی روایت ایک اور سند کے ہمراہ بھی منقول ہے۔

سیدنا ابوہریرہ رضی اللہ عنہ سیدنا عمر بن خطاب رضی اللہ عنہ کا یہ بیان نقل کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے:
” قدریہ فرقے سے تعلق رکھنے والوں کے ساتھ نہ بیٹھو اور انہیں پہلے مخاطب نہ کرو۔ “