صحيح الادب المفرد

سیدنا ابن عمر رضی اللہ عنہما نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جب تم سونے لگو تو اپنے گھروں میں آگ (جلتی) نہ چھوڑا کرو، (کیونکہ وہ دشمن ہے)۔“

سیدنا ابن عمر رضی اللہ عنہما سے روایت ہے، انہوں نے کہا: سیدنا عمر رضی اللہ عنہ نے فرمایا: ”آگ دشمن ہے، لہٰذا اس سے بچو۔“ چنانچہ سیدنا ابن عمر رضی اللہ عنہما رات گزارنے سے پہلے اپنے گھر والوں کی آگوں کو ڈھونڈ ڈھونڈ کر بجھا دیا کرتے تھے۔

سیدنا ابوموسیٰ رضی اللہ عنہ سے روایت ہے، انہوں نے کہا: مدینہ میں رات کے وقت ایک گھر اپنے رہنے والوں سمیت جل گیا، نبی صلی اللہ علیہ وسلم کو اس کے بارے میں بتایا گیا تو آپ صلی اللہ علیہ وسلم نے فرمایا: ”بیشک (یہ) آگ تمہاری دشمن ہے، لہٰذا جب تم سونے لگو تو اسے اپنے آپ سے بجھا دیا کرو۔“