صحيح الادب المفرد

عمار بن یاسر سے مروی ہے انہوں نے کہا: تم میں سے کوئی اپنے غلام کو نہیں مارتا اس حال میں کہ وہ ظالم ہو مگر اس سے قیامت کے دن قصاص لیا جائے گا

ابولیلی نے بیان کیا کہ سیدنا سلمان رضی اللہ عنہ نکلے جبکہ ان کے جانور کا چارہ کھرلی سے نیچے گر رہا تھا ۔ اس پر انہوں نے اپنے خادم سے کہا: اگر مجھے قصاص کا ڈر نہ ہوتا تو میں تیری پٹائی کرتا ۔

سیدنا ابوہریرہ رضی اللہ عنہ سے مروی ہے وہ نبی صلی اللہ علیہ وسلم سے روایت کرتے ہیں آپ صلی اللہ علیہ وسلم نے فرمایا : ”ضرور حقوق ان کے مالکوں کو ادا کیے جائیں گے یہاں تک کہ بےسینگ بکری کا سینگ والی بکری سے قصاص لیا جائے گا ۔ “

سیدنا ابوہریرہ رضی اللہ عنہ رسول اللہ صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا : ”جس شخص نے کسی کو ظلم کے طور پر مارا قیامت کے دن اس سے قصاص لیا جائے گا ۔ “