صحيح الادب المفرد

سیدنا ابوہریرہ رضی اللہ عنہ سے روایت ہے ، وہ کہتے ہیں کہ نبی صلی اللہ علیہ وسلم نے فرمایا : ”جب تم میں سے کوئی اپنے خادم کو مارے تو اس کے چہرے کو بچا کر مارے ۔“

سیدنا جابر رضی اللہ عنہ سے مروی ہے کہ نبی صلی اللہ علیہ وسلم ایک جانور کے پاس سے گزرے جس کو داغا گیا تھا اور اس کی ناک کے نتھنوں سے دھواں نکل رہا تھا ۔ نبی صلی اللہ علیہ وسلم نے فرمایا : ”اللہ اس آدمی پر لعنت کرے جس نے یہ کام کیا ہے تم میں سے کوئی نہ تو جانور کے چہرے کو داغ لگائے اور نہ اسے مارے ۔“