المستدرك على الصحيحين

حدثنا عبد الباقي بن قانع الحافظ، حدثنا عبيد الله بن محمد اليَزِيدي، حدثنا أبو حسان الزِّيادي، حدثنا هشام بن محمد بن السائب الكلبي قال: عوف بن مالك الأشجعيُّ، وَجَّهَ إليه رسولُ الله ﷺ حين نَزَلت عليه الصدقةُ أبا بكر الصِّدّيق، قال أبو بكر لعوفٍ: إنَّ الله تعالى قد أَنزلَ الصدقةَ، قال: وما الصدقةُ؟ قال: من كلِّ أربعين ناقةً ناقةٌ، قال: فاعتَرِضُها فخُذْ ناقةً، فاعترَضَها أبو بكر فأخذ ناقةً لرَحْلِه، فقال عوفٌ: إنها لرَحْلي، فقال له أبو بكر: إنها لَأعظمُ لأَجْرِك، قال: فسُقْ حِقَّها معها، فساقها أبو بكر وحِقَّها إلى رسول الله ﷺ، فأخبره بصنيع عوف وقوله، فقال رسول الله ﷺ: "ارجِعْ إليه فأخبِرْه أنَّ الله قد بَنَي له بيتًا في الجنة" (1).

ہشام بن محمد کلبی بیان کرتے ہیں کہ جب زکوٰۃ کا حکم نازل ہوا تو رسول اللہ ﷺ نے سیدنا ابوبکر صدیق رضی اللہ عنہ کو سیدنا عوف بن مالک اشجعی رضی اللہ عنہ کی طرف بھیجا، ابوبکر نے عوف سے کہا: ”بے شک اللہ تعالیٰ نے صدقہ (زکوٰۃ) کا حکم نازل فرمایا ہے،“ انہوں نے پوچھا: ”صدقہ کیا ہے؟“ انہوں نے کہا: ”ہر چالیس اونٹوں میں سے ایک اونٹ،“ عوف نے کہا: ”آپ ان اونٹوں میں سے اپنی پسند کا کوئی بھی اونٹ لے لیں،“ ابوبکر رضی اللہ عنہ نے ایک اونٹ کا انتخاب کیا جو ان کے کجاوے (سفر) کے لیے موزوں تھا، عوف نے کہا: ”یہ تو میرے کجاوے والا اونٹ ہے (یعنی نہایت قیمتی ہے)“ تو ابوبکر رضی اللہ عنہ نے فرمایا: ”یہ تمہارے اجر کی زیادتی کے لیے زیادہ بہتر ہے،“ عوف نے کہا: ”تو پھر اس کا بچہ بھی ساتھ لے جائیں،“ چنانچہ ابوبکر رضی اللہ عنہ وہ اونٹ اور اس کا بچہ رسول اللہ ﷺ کی خدمت میں لے آئے اور عوف کا سارا طرزِ عمل بیان کیا، تو رسول اللہ ﷺ نے فرمایا: ”ان کے پاس واپس جاؤ اور انہیں خوشخبری سنا دو کہ اللہ نے ان کے لیے جنت میں ایک محل تعمیر کر دیا ہے۔“