المستدرك على الصحيحين

حَدَّثَنَا أبو العباس محمد بن يعقوب، حَدَّثَنَا أحمد بن عبد الجَبّار، حَدَّثَنَا يونس بن بُكَير، عن محمد بن إسحاق، عن العباس بن مَعبَد، عن أبيه، عن ابن عباس: أنَّ رسولَ الله ﷺ قال يومَ بدرٍ: "مَن لَقيَ منكم العباسَ فليَكفُفْ عنه، فإنه خَرجَ مُستَكْرَهًا"، فقال أبو حُذيفة بن عُتبة: أنقتُلُ آبَاءَنا وإخوانَنا وعَشائرَنا ونَدَعُ العباسَ؟! واللهِ لأُلحِمَنَّه (2) بالسيف، فبلَغَتْ رسولَ الله ﷺ، فقال لعمر بن الخطاب: "يا أبا حفص" قال عُمر: إنه لأوّلُ يوم كَنّاني فيه بحفص "أيُضرَبُ وجهُ عَمِّ رسولِ الله بالسَّيف؟ " فقال عمر: دَعْني فَلْأضْرِبْ عُنُقَه، فإنه قد نافَقَ. وكان أبو حذيفة يقول: ما أنا بآمِنٍ من تلك الكلمة التي قلتُ، ولا أزالُ خائفًا حتَّى يُكفِّرَها اللهُ عني بالشهادة، قال: فقُتِل يومَ اليمامة شهيدًا (1).
هذا حديث صحيح على شرط مسلم، ولم يُخرجاه.

سیدنا عبداللہ بن عباس رضی اللہ عنہما سے روایت ہے کہ رسول اللہ ﷺ نے غزوہ بدر کے دن فرمایا: ”تم میں سے جس کی ملاقات (میرے چچا) عباس سے ہو وہ انہیں قتل نہ کرے کیونکہ وہ مجبور کر کے نکالے گئے ہیں۔“ یہ سن کر سیدنا ابوحذیفہ بن عتبہ رضی اللہ عنہ نے کہا: کیا ہم اپنے باپوں، بھائیوں اور قبیلے والوں کو تو قتل کریں اور عباس کو چھوڑ دیں؟! اللہ کی قسم، اگر وہ مجھے ملے تو میں انہیں اپنی تلوار کی خوراک بنا دوں گا۔ یہ بات رسول اللہ ﷺ تک پہنچی تو آپ ﷺ نے عمر بن خطاب رضی اللہ عنہ سے فرمایا: ”اے ابوحفص!“ سیدنا عمر رضی اللہ عنہ کہتے ہیں کہ یہ پہلا دن تھا جب آپ ﷺ نے مجھے میری کنیت ابوحفص سے پکارا، آپ ﷺ نے فرمایا: ”کیا رسول اللہ کے چچا کے چہرے پر تلوار ماری جائے گی؟“ سیدنا عمر رضی اللہ عنہ نے عرض کیا: (اے اللہ کے رسول!) مجھے چھوڑئیے کہ میں اس کی گردن اڑا دوں کیونکہ یہ منافق ہو گیا ہے۔ سیدنا ابوحذیفہ رضی اللہ عنہ (بعد میں ندامت سے) کہا کرتے تھے کہ میں اس جملے کی وجہ سے جو میں نے اس دن کہا تھا، خود کو کبھی مامون نہیں سمجھتا اور مسلسل ڈرتا رہتا ہوں یہاں تک کہ اللہ تعالیٰ شہادت کے ذریعے اس کا کفارہ فرما دے، چنانچہ وہ جنگِ یمامہ کے دن شہید ہو گئے۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔