مسند الشهاب

تشریح: -
ان احادیث میں ایک اہم نفسیاتی نکتہ کی طرف اشارہ فرمایا گیا ہے اور وہ یہ ہے کہ خبر چاہے کتنی ہی یقینی ہو مگر اس کا اثر مشاہدے کی طرح نہیں ہوتا۔ مشاہدہ اور نظارہ کی دل پر تاثیر ہی عجیب ہوتی ہے مثلاً: اگر کسی کو یہ خبر دی جائے کہ فلاں جگہ حادثہ رونما ہوا ہے تو اس شخص کا پریشان اور متفکر ہو جانا ایک فطری عمل ہے لیکن اس کے مقابلے میں دل و دماغ نظر پر وہ فکر اور پریشانی کہیں زیادہ سخت اور سریع الاثر ہوتی ہے جو اس حادثے کو خود اپنی آنکھوں سے دیکھ لینے کی صورت میں لاحق ہوتی ہے اس لیے فرمایا کہ کسی چیز کے بارے میں خبر مشاہدے یعنی اسے آنکھوں سے دیکھنے کی طرح نہیں ہے۔