مسند الشهاب

تشریح: -
سیدنا ابن مسعود رضی اللہ عنہ کہتے ہیں کہ نبی صلی اللہ علیہ وسلم نماز پڑھتے ہوتے ہم آپ کو سلام کرتے تو آپ اس کا جواب دیتے تھے لیکن جب ہم نجاشی کے ہاں سے واپس آئے تو ہم نے پہلے کی طرح سلام کیا لیکن آپ نے ہمیں جواب نہیں دیا بلکہ نماز سے فارغ ہو کر فرمایا: ”بے شک نماز میں مشغولیت ہوتی ہے۔“
مطلب یہ ہے کہ نماز میں بندہ قرأت، ذکر و اذکار اور دعا و مناجات میں مشغول ہوتا ہے اس لیے کسی اور کی طرف متوجہ ہونا جائز نہیں سوائے اس کے جس کی شریعت نے اجازت دی ہو۔ اہل علم کا کہنا ہے کہ دوران نماز جان بوجھ کر کسی سے کلام کرنے سے نماز باطل ہو جاتی ہے۔