مسند الشهاب

تشریح: -
اس حدیث سے معلوم ہوا کہ عورت حاکم نہیں بلکہ محکوم ہے اور اسے حاکم بنا نا ہلاکت و بربادی کا موجب ہے۔ تاریخ شاہد ہے کہ نبی کریم صلی اللہ علیہ وسلم اور پھر خلفاء کے دور میں کبھی کسی عورت کو حاکم نہیں بنایا گیا کیونکہ عورت کا کام حکمرانی نہیں بلکہ گھر کی نگرانی ہے، شوہر کی خدمت اور بچوں کی تربیت ہے اور چونکہ نبی صلی اللہ علیہ وسلم نے عورت کو دین و عقل میں ناقص قرار دیا ہے اس لیے بھی وہ حکومت و سر براہی کی اہل نہیں۔ نیز یہ آیات بھی اسی موقف کی موید ہیں: ① ﴿وَلَيْسَ الذَّكَرُ كَالْأُنثَىٰ﴾ (ال عمران: 36) ”اور مرد عورت کی طرح نہیں۔ “
② ﴿لرِّجَالُ قَوَّامُونَ عَلَى النِّسَاءِ﴾ (النساء: 32) ”مرد عورتوں پر حاکم و نگران ہیں۔ “
ان صریح دلائل کی بنا پر جمہور امام مالک، امام شافعی رحمتہ اللہ علیہ نے یہ موقف اپنایا ہے کہ عورت کی ولایت درست نہیں جبکہ احناف نے کہا ہے کہ حدود کے معاملات کے علاوہ دیگر احکام میں عورت کی ولایت درست ہے ان کا یہ مؤقف نص اور فطرت ربانی کے خلاف ہے۔ (فقہ الاسلام: 78)