مسند الشهاب

تشریح: -
ہوا اللہ تعالیٰ ٰ کی نشانیوں میں سے ہے یہ مدد کا ذریعہ بھی ہے اور عذاب بھی، اللہ تعالیٰ ٰ نے صبا کے ذریعے اپنے نبی کی مدد فرمائی۔ صبا سے مراد وہ ہوا ہے جو مشرق سے مغرب کی طرف چلتی ہے۔ غزوہ خندق کے موقع پر جب کفار عرب کے لشکر نے مسلمانوں کا محاصرہ کیا ہوا تھا تو اللہ تعالیٰ ٰ نے اس ہوا کے ذریعے اپنے نبی اور مومنوں کی مدد فرمائی جیسا کہ قرآن مجید میں ہے: ﴿يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَّمْ تَرَوْهَا وَكَانَ اللَّهُ بِمَا تَعْمَلُونَ بَصِيرًا﴾ ‎(الاحزاب: ۹)
”ایمان والو! اپنے اوپر اللہ کی نعمت یاد کرو جب لشکر تم پر چڑھ آئے تھے تو ہم نے ان پر ہوا بھیجی اور ایسے لشکر (بھیجے) جنہیں تم نہ دیکھے اور سکے اور جو بھی تم کرتے ہو اللہ اسے دیکھ رہا ہے۔ “
د بور کے ذریعے قوم عاد کو ہلاک کیا گیا تھا۔ دبور اس ہوا کو کہتے ہیں جو مغرب سے مشرق کی طرف چلتی ہے یعنی یہ صبا کے بالکل برعکس ہے۔ اس کے ذریعے اللہ تعالیٰ نے قوم عاد کو بلاک کیا تھا۔ قوم عاد بڑی سرکش قوم تھی جب انہوں نے نبی ہود علیہ السلام کی تکذیب کی اور اپنی سرکشی و بد کرداری میں تمام حدیں پار کر دیں تو اللہ تعالیٰ ٰ نے ان پر دبور چلائی اور انہیں ہلاک کر دیا جیسا کہ قرآن مجید میں ہے: ﴿وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ ‎ «٦» ‏ سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ ‎ «٧» ‏ فَهَلْ تَرَىٰ لَهُم مِّن بَاقِيَةٍ ‎ «٨» ‏﴾ (الحافة: 8-6)
”اور جو قوم عاد تھی وہ سخت ٹھنڈی تند ہوا کے ساتھ بلاک کیے گئے جو ق ابوسے باہر ہونے والی تھی اس (اللہ) نے اسے سات راتیں اور آٹھ دن مسلسل ان پر چلائے رکھا پس تو ان لوگوں کو اس میں یوں (زمین پر) گرے ہوئے دیکھے گا جیسے وہ گری ہوئی کھجوروں کے تنے ہوں پس کیا تو ان کا کوئی بھی باقی رہنے والا دیکھتا ہے۔ “