مسند أبي يعلى الموصلي

حَدَّثَنَا زُهَيْرٌ ، حَدَّثَنَا سُفْيَانُ ، حَدَّثَنِي الْعَلَاءُ بْنُ عَبْدِ الرَّحْمَنِ الْجُهَنِيُّ ، عَنْ أَبِيهِ قَالَ : سَأَلْتُ أَبَا سَعِيدٍ : هَلْ سَمِعْتَ مِنْ رَسُولِ اللهِ - صَلَّى اللهُ عَلَيْهِ وَسَلَّمَ - شَيْئًا فِي الْإِزَارِ ؟ قَالَ : نَعَمْ . قُلْتُ : حَدِّثْنِي ، قَالَ : سَمِعْتُهُ يَقُولُ : « إِزْرَةُ الْمُؤْمِنِ إِلَى أَنْصَافِ سَاقَيْهِ ، لَا جُنَاحَ عَلَيْهِ فِيمَا بَيْنَهُ وَبَيْنَ الْكَعْبَيْنِ ، وَمَا أَسْفَلَ مِنَ الْكَعْبَيْنِ فَفِي النَّارِ ، ثَلَاثَ مَرَّاتٍ ، لَا يَنْظُرُ اللهُ إِلَى مَنْ جَرَّ إِزَارَهُ خُيَلَاءَ » .

عبدالرحمن جہنی رحمہ اللہ بیان کرتے ہیں کہ میں نے سیدنا ابو سعید خدری رضی اللہ عنہ سے پوچھا: ”کیا آپ نے تہبند کے بارے میں رسول اللہ ﷺ سے کچھ سنا ہے؟“ فرمایا: ”ہاں۔“ میں نے کہا: ”مجھے بیان کیجیے۔“ فرمایا: میں نے آپ ﷺ کو فرماتے سنا: ”مومن کا تہبند اس کی آدھی پنڈلیوں تک ہوتا ہے، اور اس کے اور ٹخنوں کے درمیان (لٹکانے) میں اس پر کوئی حرج نہیں، اور جو ٹخنوں سے نیچے ہو وہ آگ میں ہے۔“ آپ ﷺ نے یہ تین مرتبہ فرمایا: ”اللہ تعالیٰ اس شخص کی طرف (رحمت کی نظر سے) نہیں دیکھے گا جو تکبر سے اپنا تہبند گھسیٹتا ہے۔“