مسند أبي يعلى الموصلي

رَجُلٌ عَنِ النَّبِيِّ - صَلَّى اللهُ عَلَيْهِ وَسَلَّمَ -
حَدَّثَنَا هَارُونُ بْنُ مَعْرُوفٍ ، حَدَّثَنَا ضَمْرَةُ ، عَنْ رَجَاءِ بْنِ أَبِي سَلَمَةَ ، عَنْ سُلَيْمَانَ بْنِ مُوسَى قَالَ : مَرَّ مَالِكُ بْنُ عَبْدِ اللهِ الْخَثْعَمِيُّ ، وَهُوَ عَلَى النَّاسِ بِالصَّائِفَةِ بِأَرْضِ الرُّومِ قَالَ : وَرَجُلٌ يَقُودُ دَابَّتَهُ ، فَقَالَ لَهُ : ارْكَبْ ، فَإِنِّي أَرَى دَابَّتَكَ ظَهِيرَةً . قَالَ : سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : مَا اغْبَرَّتْ قَدَمَا عَبْدٍ فِي سَبِيلِ اللهِ إِلَّا حَرَّمَ اللهُ عَلَيْهِمَا النَّارَ . قَالَ : فَنَزَلَ مَالِكٌ وَنَزَلَ النَّاسُ يَمْشُونَ ، فَمَا رُئِيَ يَوْمٌ أَكْثَرُ مَاشِيًا مِنْهُ .

سلیمان بن موسیٰ رحمہ اللہ بیان کرتے ہیں کہ سیدنا مالک بن عبداللہ خثعمی رضی اللہ عنہ، جو سرزمینِ روم میں موسمِ گرما کی مہم پر لوگوں کے امیر تھے، ایک شخص کے پاس سے گزرے جو اپنی سواری کو ہانکتا ہوا پیدل چل رہا تھا۔ انہوں نے اس سے کہا: ”سوار ہو جاؤ، میں دیکھ رہا ہوں کہ تمہاری سواری مضبوط اور تیار ہے۔“ اس نے کہا: ”میں نے رسول اللہ ﷺ کو فرماتے سنا ہے: ’جس بندے کے قدم اللہ کی راہ میں غبار آلود ہوئے، اللہ تعالیٰ ان دونوں (قدموں) پر جہنم کی آگ حرام کر دیتا ہے۔‘“ راوی کہتے ہیں: یہ سن کر سیدنا مالک رضی اللہ عنہ بھی سواری سے اتر پڑے اور سب لوگ بھی اتر کر پیدل چلنے لگے، چنانچہ اس دن سے زیادہ پیدل چلنے والے کسی دن نہیں دیکھے گئے۔