مسند أبي يعلى الموصلي

وَعَنْ جَابِرِ بْنِ سَمُرَةَ قَالَ : دَخَلَ رَسُولُ اللهِ - صَلَّى اللهُ عَلَيْهِ وَسَلَّمَ - الْمَسْجِدَ ، فَقَالَ : أَلَا تَصُفُّونَ كَمَا تَصُفُّ الْمَلَائِكَةُ عِنْدَ رَبِّهِمْ ؟ قَالُوا : يَا رَسُولَ اللهِ ! وَكَيْفَ تَصُفُّ عِنْدَ رَبِّهِمْ ؟ قَالَ : يُتِمُّونَ الصُّفُوفَ الْأُوَلَ ، وَيَتَرَاصُّونَ فِي الصَّفِّ قَالَ : وَخَرَجَ إِلَى الْمَسْجِدِ وَهُمْ فِي الْمَسْجِدِ حِلَقٌ ، فَقَالَ : مَا لِي أَرَاهُمْ عِزِينَ ؟ .

سیدنا جابر بن سمرہ رضی اللہ عنہ سے روایت ہے کہ رسول اللہ ﷺ مسجد میں تشریف لائے اور ارشاد فرمایا: ”کیا تم اس طرح صفیں نہیں بناتے جس طرح فرشتے اپنے رب کے حضور صفیں بناتے ہیں؟“ صحابہ کرام رضی اللہ عنہم نے عرض کی: اے اللہ کے رسول! فرشتے اپنے رب کے پاس کس طرح صف بندی کرتے ہیں؟ آپ ﷺ نے فرمایا: ”وہ پہلے اگلی صفوں کو مکمل کرتے ہیں اور صف میں ایک دوسرے سے جڑ کر کھڑے ہوتے ہیں۔“ راوی بیان کرتے ہیں کہ ایک مرتبہ آپ ﷺ مسجد میں تشریف لائے تو لوگ الگ الگ حلقوں میں بیٹھے ہوئے تھے، آپ ﷺ نے (انہیں دیکھ کر) فرمایا: ”کیا معاملہ ہے کہ میں تمہیں الگ الگ ٹکڑیوں میں بکھرا ہوا دیکھ رہا ہوں؟“