مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا إِسْحَاقُ بْنُ سُلَيْمَانَ الرَّازِيُّ قَالَ : سَمِعْتُ ابْنَ أَبِي ذِئْبٍ ، عَنْ صَالِحٍ مَوْلَى التَّوْأَمَةِ ، عَنْ أَبِي هُرَيْرَةَ قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - لِنِسَائِهِ : هَذِهِ الْحَجَّةُ ، ثُمَّ ظُهُورَ الْحُصُرِ ، فَكُنَّ كُلُّهُنَّ يَحْجُجْنَ إِلَّا زَيْنَبَ ، وَسَوْدَةَ ، قَالَتَا : لَا تُحَرِّكُنَا دَابَّةٌ بَعْدَ قَوْلِ رَسُولِ اللهِ - صَلَّى اللهُ عَلَيْهِ وَسَلَّمَ - تَعْنِي : « هَذِهِ ، ثُمَّ ظُهُورَ الْحُصُرِ » .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے اپنی ازواجِ مطہرات سے ارشاد فرمایا: «هَذِهِ الْحَجَّةُ، ثُمَّ ظُهُورَ الْحُصْرِ» ”یہ تمہارا (آخری) حج ہے، پھر اس کے بعد چٹائیوں کی پشتیں ہیں (یعنی تمہیں گھروں کی چاردیواری میں رہنا ہے)۔“ چنانچہ (نبی کریم ﷺ کی وفات کے بعد) تمام ازواجِ مطہرات حج کرتی رہیں سوائے سیدہ زینب اور سیدہ سودہ رضی اللہ عنہما کے، ان دونوں نے کہا کہ ”رسول اللہ ﷺ کے اس فرمان یعنی «هَذِهِ، ثُمَّ ظُهُورَ الْحُصْرِ» ”یہ حج ہے، پھر چٹائیوں کی پشتیں ہیں“ کے بعد ہمیں کوئی سواری (سفر کے لیے) نہیں ہلا سکے گی (یعنی اب ہم گھروں سے باہر نہیں نکلیں گی)۔“