مسند أبي يعلى الموصلي

حَدَّثَنَا زُهَيْرٌ ، حَدَّثَنَا يَحْيَى بْنُ أَبِي بُكَيْرٍ ، حَدَّثَنَا إِسْرَائِيلُ ، عَنْ سِمَاكٍ ، عَنْ قَابُوسَ بْنِ أَبِي الْمُخَارِقِ ، عَنْ أُمِّ الْفَضْلِ ، قَالَتْ : رَأَيْتُ كَأَنَّ فِي بَيْتِي طَبَقًا مِنْ رَسُولِ اللهِ - صَلَّى اللهُ عَلَيْهِ وَسَلَّمَ - فَجَزِعْتُ مِنْ ذَلِكَ ، فَذَكَرْتُ لَهُ ذَلِكَ ، فَقَالَ : خَيْرٌ إِنْ شَاءَ اللهُ ، تَلِدُ فَاطِمَةُ غُلَامًا تَكْفُلِينَهُ بِلَبَنِ ابْنِكِ قُثَمٍ ، قَالَتْ : فَوَلَدَتْ حَسَنًا فَأَعْطَتْنِيهِ فَأَرْضَعْتُهُ ، ثُمَّ جِئْتُ بِهِ فَأَجْلَسْتُهُ فِي حِجْرِهِ ، فَبَالَ عَلَيْهِ فَضَرَبْتُ بَيْنَ كَتِفَيْهِ ، فَقَالَ : ارْفُقِي أَصْلَحَكِ اللهُ ، أَوْ رَحِمَكِ اللهُ أَوْجَعْتِ ابْنِي ، قَالَتْ : فَقُلْتُ : اخْلَعْ إِزَارَكَ وَالْبَسْ ثَوْبًا غَيْرَهُ حَتَّى أَغْسِلَهُ ، قَالَ : إِنَّمَا يُغْسَلُ بَوْلُ الْجَارِيَةِ ، وَيُنْضَحُ بَوْلُ الْغُلَامِ .

سیدہ ام الفضل رضی اللہ عنہا سے روایت ہے، وہ بیان کرتی ہیں کہ میں نے (خواب میں) دیکھا گویا اللہ کے رسول ﷺ کے جسمِ مبارک کا ایک ٹکڑا میرے گھر میں ہے جس سے میں گھبرا گئی، پھر میں نے آپ ﷺ سے اس کا ذکر کیا تو آپ ﷺ نے ارشاد فرمایا: ”یہ بہتر ہے ان شاء اللہ، (سیدہ) فاطمہ (رضی اللہ عنہا) کے ہاں لڑکا پیدا ہو گا جس کی تم اپنے بیٹے (سیدنا) قثم (رضی اللہ عنہ) کے دودھ سے کفالت کرو گی۔“ وہ فرماتی ہیں کہ پھر (سیدنا) حسن (رضی اللہ عنہ) کی ولادت ہوئی تو انہوں نے وہ بچہ مجھے دے دیا اور میں نے انہیں دودھ پلایا، پھر میں انہیں لے کر (آپ ﷺ کی خدمت میں) حاضر ہوئی اور انہیں آپ ﷺ کی گود میں بٹھا دیا، تو انہوں نے آپ ﷺ پر پیشاب کر دیا جس پر میں نے ان کے دونوں کندھوں کے درمیان (تادیباً) ضرب لگائی، تو آپ ﷺ نے فرمایا: «ارْفُقِي أَصْلَحَكِ اللَّهُ» ”نرمی سے کام لو، اللہ تمہارے حال کی اصلاح فرمائے“ یا فرمایا: «رَحِمَكِ اللَّهُ» ”اللہ تم پر رحم فرمائے، تم نے میرے بیٹے کو تکلیف پہنچائی ہے“، وہ فرماتی ہیں کہ میں نے عرض کی: آپ ﷺ اپنا تہبند اتار دیں اور دوسرا لباس زیبِ تن فرما لیں تاکہ میں اسے دھو دوں، تو آپ ﷺ نے ارشاد فرمایا: ”لڑکی کے پیشاب (والے کپڑے) کو دھویا جاتا ہے جبکہ لڑکے کے پیشاب پر (صرف) پانی چھڑکا جاتا ہے۔“