مسند أبي يعلى الموصلي

حَدَّثَنَا جَعْفَرُ بْنُ حُمَيْدٍ ، حَدَّثَنَا ابْنُ الْمُبَارَكِ ، عَنْ مَعْمَرٍ ، عَنْ يَحْيَى بْنِ أَبِي كَثِيرٍ ، عَنْ عِكْرِمَةَ ، عَنْ أَبِي هُرَيْرَةَ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - مَرَّ بِرَجُلٍ يَسُوقُ بَدَنَةً ، قَالَ : ارْكَبْهَا ، قَالَ : إِنَّهَا بَدَنَةٌ ، قَالَ : ارْكَبْهَا ، قَالَ : فَلَقَدْ رَأَيْتُهُ يُسَايِرُ النَّبِيَّ - صَلَّى اللهُ عَلَيْهِ وَسَلَّمَ - وَفِي عُنُقِهَا نَعْلٌ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ کا گزر ایک ایسے شخص پر ہوا جو قربانی کا ایک اونٹ ہانک رہا تھا، آپ ﷺ نے اس سے فرمایا: ”اس پر سوار ہو جاؤ۔“ اس نے عرض کیا کہ اے اللہ کے رسول! یہ تو قربانی کا اونٹ ہے، آپ ﷺ نے (دوبارہ) ارشاد فرمایا: ”اس پر سوار ہو جاؤ۔“ (سیدنا ابوہریرہ رضی اللہ عنہ بیان کرتے ہیں کہ) پھر میں نے دیکھا کہ وہ شخص نبی کریم ﷺ کے ہمراہ سواری کی حالت میں چل رہا تھا جبکہ اس اونٹ کے گلے میں (قربانی کی علامت کے طور پر) جوتا لٹک رہا تھا۔