مسند أبي يعلى الموصلي

حَدَّثَنَا عَبْدُ اللهِ بْنُ عَبْدِ الصَّمَدِ ، حَدَّثَنَا الْقَاسِمُ ، عَنْ هِشَامٍ ، عَنْ زَيْدِ بْنِ أَسْلَمَ قَالَ : كَانَ يُخْبِرُنَا عَنْ ذَكْوَانَ أَبِي صَالِحٍ ، عَنْ أَبِي هُرَيْرَةَ قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : لَمَّا خَلَقَ اللهُ عَزَّ وَجَلَّ آدَمَ ، مَسَحَ عَلَى ظَهْرِهِ فَسَقَطَ مِنْ ظَهْرِهِ كُلُّ نَسَمَةٍ هُوَ خَالِقُهَا إِلَى يَوْمِ الْقِيَامَةِ ، وَجَعَلَ بَيْنَ عَيْنَيْ كُلِّ إِنْسَانٍ مِنْهُمْ وَبِيصًا مِنْ نُورٍ ، ثُمَّ عَرَضَهُمْ عَلَى آدَمَ ، فَقَالَ : أَيْ رَبِّ مَنْ هَؤُلَاءِ ؟ قَالَ : هَؤُلَاءِ ذُرِّيَّتُكَ ، فَرَأَى رَجُلًا مِنْهُمْ ، فَأَعْجَبَهُ وَبِيصُ مَا بَيْنَ عَيْنَيْهِ ، فَقَالَ : أَيْ رَبِّ مَنْ هَذَا ؟ قَالَ : رَجُلٌ مِنْ ذُرِّيَّتِكَ فِي آخِرِ الْأُمَمِ يُقَالُ لَهُ : دَاوُدُ ، قَالَ : يَا رَبِّ ، كَمْ جَعَلْتَ عُمُرَهُ ؟ قَالَ : سِتِّينَ سَنَةً ، قَالَ : زِدْهُ مِنْ عُمُرِي أَرْبَعِينَ سَنَةً ، قَالَ : إِذًا يُكْتَبُ وَيُخْتَمُ وَلَا يُبَدَّلُ ، فَلَمَّا انْقَضَى عُمُرُ آدَمَ عَلَيْهِ السَّلَامُ جَاءَهُ مَلَكُ الْمَوْتِ ، فَقَالَ : أَوَلَمْ يَبْقَ مِنْ عُمُرِي أَرْبَعُونَ سَنَةً ؟ قَالَ : أَوَلَمْ تُعْطِهَا ابْنَكَ دَاوُدَ ؟ فَجَحَدَ فَجَحَدَتْ ذُرِّيَّتُهُ ، وَنَسِيَ فَنَسِيَتْ ذُرِّيَّتُهُ ، وَخَطِئَ فَخَطِئَتْ ذُرِّيَّتُهُ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جب اللہ عزوجل نے سیدنا آدم علیہ السلام کو پیدا فرمایا تو ان کی پشت پر مسح فرمایا (دستِ قدرت پھیرا)، جس کے نتیجے میں ان کی پشت سے وہ تمام روحیں نکل آئیں جنہیں اللہ تعالیٰ قیامت کے دن تک پیدا کرنے والا تھا، اور اللہ تعالیٰ نے ان میں سے ہر انسان کی دونوں آنکھوں کے درمیان نور کی ایک چمک رکھ دی، پھر انہیں سیدنا آدم علیہ السلام کے سامنے پیش کیا گیا تو انہوں نے عرض کی: «أَيْ رَبِّ مَنْ هَؤُلَاءِ؟» ”اے میرے رب! یہ کون لوگ ہیں؟“ اللہ تعالیٰ نے فرمایا: ”یہ تمہاری ذریت (اولاد) ہے“، پھر انہوں نے ان میں سے ایک شخص کو دیکھا تو اس کی دونوں آنکھوں کے درمیان موجود چمک انہیں بہت پسند آئی، انہوں نے دریافت کیا: «أَيْ رَبِّ مَنْ هَذَا؟» ”اے رب! یہ کون ہے؟“ اللہ تعالیٰ نے فرمایا: ”یہ تمہاری ذریت میں سے آخری امتوں میں ایک شخص ہے جسے داؤد کہا جاتا ہے“، انہوں نے عرض کی: «يَا رَبِّ كَمْ جَعَلْتَ عُمْرَهُ؟» ”اے پروردگار! تو نے اس کی عمر کتنی مقرر فرمائی ہے؟“ اللہ تعالیٰ نے فرمایا: ”ساٹھ سال“، آدم علیہ السلام نے عرض کی: ”اے رب! میری عمر میں سے چالیس سال اس کی عمر میں بڑھا دیں“، اللہ تعالیٰ نے فرمایا: ”تب تو یہ لکھ دیا جائے گا اور اس پر مہر لگا دی جائے گی، پھر اسے بدلا نہیں جائے گا“، پھر جب سیدنا آدم علیہ السلام کی عمر تمام ہو گئی اور ملک الموت ان کے پاس (روح قبض کرنے) آئے تو انہوں نے کہا: «أَوَلَمْ يَبْقَ مِنْ عُمْرِي أَرْبَعُونَ سَنَةً؟» ”کیا میری عمر کے ابھی چالیس سال باقی نہیں ہیں؟“ فرشتے نے جواب دیا: «أَوَلَمْ تُعْطِهَا ابْنَكَ دَاوُدَ؟» ”کیا آپ نے وہ اپنے بیٹے داؤد کو عطا نہیں کر دیے تھے؟“ پس سیدنا آدم علیہ السلام نے انکار کیا تو ان کی ذریت نے بھی انکار کیا، وہ بھول گئے تو ان کی ذریت بھی بھول گئی اور ان سے چوک ہوئی تو ان کی ذریت سے بھی خطائیں سرزد ہونے لگیں۔“