مسند أبي يعلى الموصلي

وَبِإِسْنَادِهِ ، قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : سَدِّدُوا وَقَارِبُوا وَأَبْشِرُوا ، وَاسْتَعِينُوا بِالْغُدُوِّ وَالرَّوَاحِ وَشَيْءٍ مِنَ الدُّلْجَةِ ، وَعَلَيْكُمْ بِالْقَصْدِ تَبْلُغُوا ، وَاعْلَمُوا أَنَّهُ لَيْسَ أَحَدٌ مِنْكُمْ يُنْجِيهِ عَمَلُهُ ، قُلْنَا : وَلَا أَنْتَ يَا رَسُولَ اللهِ ؟ قَالَ : وَلَا أَنَا ، إِلَّا أَنْ يَتَغَمَّدَنِيَ اللهُ عَزَّ وَجَلَّ مِنْهُ بِرَحْمَةٍ وَفَضْلٍ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”درستگی اختیار کرو، میانہ روی اپناؤ اور خوشخبری پاؤ، نیز تم صبح، دوپہر کے بعد اور رات کے کسی آخری حصے (میں عبادت) سے مدد حاصل کرو، اور تم میانہ روی لازم پکڑو تم (منزلِ مقصود تک) پہنچ جاؤ گے، اور یہ اچھی طرح جان لو کہ تم میں سے کسی کو بھی اس کا عمل نجات نہیں دلائے گا“، ہم نے عرض کی: اے اللہ کے رسول ﷺ! کیا آپ کو بھی نہیں؟ آپ ﷺ نے فرمایا: ”اور نہ ہی مجھے، سوائے اس کے کہ اللہ عزوجل مجھے اپنی جانب سے رحمت اور فضل کے سائے میں ڈھانپ لے۔“