مسند أبي يعلى الموصلي

حَدَّثَنَا عُقْبَةُ بْنُ مُكْرَمٍ، حَدَّثَنَا عَمْرُو بْنُ مُحَمَّدٍ، عَنْ إِسْمَاعِيلَ بْنِ رَافِعٍ، عَنِ الْمَقْبُرِيِّ، عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ: " إِنَّ اللَّهَ خَلَقَ آدَمَ مِنْ تُرَابٍ، ثُمَّ جَعَلَهُ طِينًا، ثُمَّ تَرَكَهُ حَتَّى إِذَا كَانَ حَمَأً مَسْنُونًا، خَلْقَهُ وَصَوَّرَهُ، ثُمَّ تَرَكَهُ حَتَّى إِذَا كَانَ صَلْصَالًا كَالْفَخَّارِ، قَالَ: " فَكَانَ إِبْلِيسُ يَمُرُّ بِهِ، فَيَقُولُ: لَقَدْ خُلِقْتَ لِأَمْرٍ عَظِيمٍ، ثُمَّ نَفَخَ اللَّهُ فِيهِ رُوحَهُ، فَكَانَ أَوَّلَ شَيْءٍ جَرَى فِيهِ الرُّوحُ بَصَرُهُ وَخَيَاشِيمُهُ، فَعَطَسَ فَلَقَّاهُ اللَّهُ حَمْدَ رَبِّهِ، فَقَالَ الرَّبُّ: يَرْحَمُكَ رَبُّكَ، ثُمَّ قَالَ اللَّهُ: يَا آدَمُ اذْهَبْ إِلَى أُولَئِكَ النَّفَرِ، فَقُلْ لَهُمْ، وَانْظُرْ مَا يَقُولُونَ، فَجَاءَ، فَسَلَّمَ عَلَيْهِمْ فَقَالُوا: وَعَلَيْكَ السَّلَامُ وَرَحْمَةُ اللَّهِ، فَجَاءَ إِلَى رَبِّهُ فَقَالَ: مَاذَا قَالُوا لَكَ؟ - وَهُوَ أَعْلَمُ بِمَا قَالُوا لَهُ - قَالَ: يَا رَبِّ، لَمَّا سَلَّمْتُ عَلَيْهِمْ، قَالُوا: وَعَلَيْكَ السَّلَامُ وَرَحْمَةُ اللَّهِ، قَالَ: يَا آدَمُ، هَذَا تَحِيَّتُكَ وَتَحِيَّةُ ذُرِّيَّتِكَ، قَالَ: يَا رَبِّ وَمَا ذُرِّيَّتِي؟ قَالَ: اخْتَرْ يَدِي يَا آدَمُ، قَالَ: أَخْتَارُ يَمِينَ رَبِّي - وَكِلْتَا يَدَيْ رَبِّي يَمِينٌ - فَبَسَطَ اللَّهُ كَفَّهُ فَإِذَا كُلُّ مَا هُوَ كَائِنٌ مِنْ ذُرِّيَّتِهِ فِي كَفِّ الرَّحْمَنِ عز وجل، فَإِذَا رِجَالٌ مِنْهُمْ عَلَى أَفْوَاهِهِمُ النُّورُ، وَإِذَا رَجُلٌ يَعْجَبُ آدَمُ مِنْ نُورِهِ، قَالَ: يَا رَبِّ مَنْ هَذَا؟ قَالَ: ابْنُكَ دَاوُدُ، قَالَ: يَا رَبِّ فَكَمْ جَعَلْتَ لَهُ مِنَ الْعُمُرِ؟ قَالَ: جَعَلْتُ لَهُ سِتِّينَ، قَالَ: يَا رَبِّ فَأَتِمَّ لَهُ مِنْ عُمُرِي حَتَّى يَكُونَ عُمُرُهُ مِائَةَ سَنَةٍ، فَفَعَلَ اللَّهُ وَأَشْهَدَ عَلَى ذَلِكَ، فَلَمَّا نَفِدَ عُمُرُ آدَمَ بَعَثَ اللَّهُ إِلَيْهِ مَلَكَ الْمَوْتِ فَقَالَ آدَمُ: أَوَلَمْ يَبْقَ مِنْ عُمُرِي أَرْبَعُونَ سَنَةً؟ قَالَ الْمَلَكُ: أَلَمْ تُعْطِهَا ابْنَكَ دَاوُدَ؟ فَجَحَدَ ذَلِكَ، فَجَحَدَتْ ذُرِّيَّتُهُ، وَنَسِيَ فَنَسِيَتْ ذُرِّيَّتُهُ "

سیدنا ابوہریرہ رضی اللہ عنہ سے روایت ہے کہ نبی کریم ﷺ نے ارشاد فرمایا: ”بے شک اللہ تعالیٰ نے آدم کو مٹی سے پیدا کیا، پھر اسے (گوندھی ہوئی) مٹی بنایا، پھر اسے (اسی حالت میں) رہنے دیا یہاں تک کہ وہ ﴿حَمَأٍ مَّسْنُونٍ﴾ یعنی بدبودار سیاہ گارے کی مانند ہوگئی، اسے پیدا کیا اور اسے صورت عطا فرمائی، پھر اسے (اسی حالت میں) رہنے دیا یہاں تک کہ وہ ﴿صَلْصَالٍ كَالْفَخَّارِ﴾ یعنی ٹھیکرے کی طرح کھنکھناتی مٹی بن گئی۔“ آپ ﷺ نے فرمایا: ”پس ابلیس ان کے پاس سے گزرتا اور کہتا کہ تو یقیناً کسی عظیم مقصد کے لیے پیدا کیا گیا ہے، پھر اللہ تعالیٰ نے ان میں اپنی (پیدا کردہ) روح پھونکی تو سب سے پہلی چیز جس میں روح دوڑی وہ ان کی آنکھیں اور نتھنے تھے، پس انہیں چھینک آئی تو اللہ نے انہیں اپنے رب کی حمد کی تلقین فرمائی، پس پروردگار نے فرمایا: «يَرْحَمُكَ رَبُّكَ» ”تمہارا رب تم پر رحم فرمائے۔“ پھر اللہ تعالیٰ نے ارشاد فرمایا: اے آدم! فرشتوں کی اس جماعت کے پاس جاؤ اور انہیں سلام کہو اور دیکھو کہ وہ کیا جواب دیتے ہیں۔ چنانچہ وہ آئے اور انہیں سلام کیا تو انہوں نے جواب میں کہا: «وَعَلَيْكَ السَّلَامُ وَرَحْمَةُ اللَّهِ» ”اور آپ پر بھی سلامتی اور اللہ کی رحمت ہو۔“ پھر وہ اپنے رب کے حضور حاضر ہوئے تو اللہ نے دریافت فرمایا: انہوں نے تمہیں کیا جواب دیا؟ حالانکہ وہ ان کے جواب کو خوب جاننے والا تھا۔ انہوں نے عرض کی: اے میرے رب! جب میں نے انہیں سلام کیا تو انہوں نے کہا: «وَعَلَيْكَ السَّلَامُ وَرَحْمَةُ اللَّهِ» ”اور آپ پر بھی سلامتی اور اللہ کی رحمت ہو۔“ اللہ تعالیٰ نے فرمایا: اے آدم! یہی تمہارا اور تمہاری اولاد کا (باہمی) سلام و دعا ہے۔ آدم نے عرض کی: اے میرے رب! اور میری ذریت (اولاد) کیا ہے؟ اللہ نے فرمایا: اے آدم! میرے دونوں ہاتھوں میں سے ایک کا انتخاب کرو۔ انہوں نے عرض کی: میں نے اپنے رب کے داہنے ہاتھ کا انتخاب کیا اور میرے رب کے دونوں ہاتھ ہی داہنے (مبارک و مسعود) ہیں۔ تب اللہ تعالیٰ نے اپنی ہتھیلی کو پھیلا دیا تو اچانک کیا دیکھتے ہیں کہ ان کی ذریت میں سے جو کچھ بھی ہونے والا ہے وہ سب رحمن عزوجل کی ہتھیلی میں موجود ہے، ان میں سے کچھ لوگوں کے منہ پر نور چمک رہا تھا اور ان میں ایک ایسا شخص بھی تھا جس کے نور نے آدم کو بہت متاثر کیا، انہوں نے پوچھا: اے رب! یہ کون ہے؟ فرمایا: یہ تمہارا بیٹا داؤد ہے۔ عرض کی: اے رب! آپ نے اس کی عمر کتنی مقرر فرمائی ہے؟ فرمایا: میں نے اس کے لیے ساٹھ سال مقرر کیے ہیں۔ انہوں نے عرض کی: اے رب! میری عمر میں سے اس کے لیے (اضافہ کر کے) اس کی عمر سو سال مکمل فرما دیں۔ پس اللہ تعالیٰ نے ایسا ہی کیا اور اس پر گواہی بھی ٹھہرائی۔ پھر جب سیدنا آدم کی عمر تمام ہوئی تو اللہ نے ان کی طرف ملک الموت کو بھیجا، آدم نے کہا: کیا میری عمر کے ابھی چالیس سال باقی نہیں ہیں؟ فرشتے نے کہا: کیا آپ نے وہ اپنے بیٹے داؤد کو عطا نہیں کر دیے تھے؟ پس انہوں نے (بھول کر) اس کا انکار کر دیا تو ان کی ذریت نے بھی انکار کیا اور وہ بھول گئے تو ان کی ذریت بھی بھول گئی۔“