مسند أبي يعلى الموصلي

حَدَّثَنَا عَبْدُ الْأَعْلَى، حَدَّثَنَا خَالِدُ بْنُ عَبْدِ اللَّهِ، عَنْ سُهَيْلِ بْنِ أَبِي صَالِحٍ، عَنْ سَعِيدِ بْنِ يَسَارٍ، عَنْ زَيْدِ بْنِ خَالِدٍ، عَنْ أَبِي طَلْحَةَ، أَنَّ رَسُولَ اللَّهِ صلى الله عليه وسلم قَالَ: «لَا تَدْخُلُ الْمَلَائِكَةُ بَيْتًا فِيهِ كَلْبٌ أَوْ تَمَاثِيلُ» ، قَالَ: فَقُلْنَا: انْطَلِقُوا بِنَا إِلَى عَائِشَةَ، فَأَخْبَرْنَاهَا بِمَا قَالَ أَبُو طَلْحَةَ فَقَالَتْ: لَا أَدْرِي وَسَأُحَدِّثُكُمْ بِمَا رَأَيْتُهُ فَعَلَ، خَرَجَ رَسُولُ اللَّهِ صلى الله عليه وسلم فِي بَعْضِ غَزَوَاتِهِ، وَكُنْتُ أَتَحَيَّنُ قُفُولَهُ، فَأَخَذْتُ نَمَطًا كَانَ لَنَا، فَسَتَرْتُ بِهِ عَلَى الْعَرْسِ، فَلَمَّا أَقْبَلَ قُمْتُ فَقُلْتُ: السَّلَامُ عَلَيْكَ يَا رَسُولَ اللَّهِ، الْحَمْدُ لِلَّهِ الَّذِي أَعَزَّكَ وَنَصَرَكَ وَأَكْرَمَكَ، قَالَتْ: فَرَفَعَ رَأْسَهُ فَنَظَرَ إِلَى النَّمَطِ فَلَمْ يَرُدَّ عَلَيَّ شَيْئًا، وَعَرَفْتُ الْكَرَاهِيَةَ فِي وَجْهِهِ، فَانْطَلَقَ حَتَّى هَتَكَ النَّمَطَ ثُمَّ قَالَ: «يَا عَائِشَةُ، إِنَّ اللَّهَ يَأْمُرُنَا فِيمَا رَزَقَنَا أَنْ نَكْسُوَ الْحِجَارَةَ وَاللَّبِنَ» قَالَتْ: فَأَخَذْتُهُ فَجَعَلْتُهُ وِسَادَةً وَحَشَوْتُهَا لِيفًا فَلَمْ يَعِبْ ذَلِكَ عَلَيَّ

سیدنا ابو طلحہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”فرشتے اس گھر میں داخل نہیں ہوتے جس میں کتا یا مورتیاں ہوں۔“ (سیدنا زید بن خالد رضی اللہ عنہ کے شاگرد سعید بن یسار رحمہ اللہ کہتے ہیں کہ) ہم نے کہا کہ ہمیں سیدہ عائشہ رضی اللہ عنہا کے پاس لے چلو، چنانچہ ہم نے انہیں وہ بات بتائی جو سیدنا ابو طلحہ رضی اللہ عنہ نے بیان کی تھی، تو انہوں نے فرمایا: ”مجھے اس (فرمان) کا تو علم نہیں، البتہ میں تمہیں وہ واقعہ سناتی ہوں جو میں نے خود آپ ﷺ کو کرتے ہوئے دیکھا؛ رسول اللہ ﷺ اپنے کسی غزوے کے لیے تشریف لے گئے اور میں آپ ﷺ کی واپسی کی منتظر تھی، میں نے ایک اونی منقش چادر لی جو ہمارے پاس تھی اور اس سے گھر کے سائبان پر پردہ لٹکا دیا، جب آپ ﷺ تشریف لائے تو میں نے استقبال کرتے ہوئے عرض کیا: «السَّلَامُ عَلَيْكَ يَا رَسُولَ اللَّهِ، الْحَمْدُ لِلَّهِ الَّذِي أَعَزَّكَ وَنَصَرَكَ وَأَكْرَمَكَ» ”اے اللہ کے رسول! آپ پر سلامتی ہو، تمام تعریفیں اس اللہ کے لیے ہیں جس نے آپ کو غلبہ عطا فرمایا، آپ کی مدد فرمائی اور آپ کو سرفراز فرمایا۔“ سیدہ عائشہ رضی اللہ عنہا فرماتی ہیں کہ آپ ﷺ نے اپنا سرِ مبارک اٹھایا اور اس چادر کو دیکھا مگر مجھے کوئی جواب نہ دیا، اور میں نے آپ ﷺ کے چہرہِ انور پر ناپسندیدگی کے آثار پہچان لیے، آپ ﷺ آگے بڑھے اور اس چادر کو پھاڑ کر اتار دیا، پھر ارشاد فرمایا: ”اللہ نے ہمیں یہ حکم نہیں دیا ہے کہ ہم اس کی عطا کی ہوئی چیزوں میں سے پتھر اور اینٹ کو کپڑے پہنائیں“۔ سیدہ عائشہ رضی اللہ عنہا فرماتی ہیں کہ پھر میں نے اس کپڑے کو کاٹ کر اس کا ایک تکیہ بنا لیا اور اس میں کھجور کی چھال بھر دی، تو آپ ﷺ نے مجھ پر اس کا کوئی عیب نہیں نکالا۔“