مسند أبي يعلى الموصلي

حَدَّثَنَا أَبُو هَمَّامٍ ، حَدَّثَنَا ابْنُ وَهْبٍ ، حَدَّثَنِي هِشَامُ بْنُ سَعْدٍ ، عَنْ زَيْدِ بْنِ أَسْلَمَ ، عَنْ عَطَاءِ بْنِ يَسَارٍ ، عَنْ أَبِي هُرَيْرَةَ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - قَالَ : لَمَّا خَلَقَ اللهُ آدَمَ ، مَسَحَ ظَهْرَهُ ، فَسَقَطَ مِنْ ظَهْرِهِ كُلُّ نَسَمَةٍ تَكُونُ إِلَى يَوْمِ الْقِيَامَةِ ، فَعَرَضَهُمْ عَلَى آدَمَ ، فَرَأَى فِي وَجْهِ كُلِّ رَجُلٍ مِنْهُمْ وَبِيصًا مِنْ نُورٍ ، فَرَأَى رَجُلًا مِنْهُمْ لَهُ وَبِيصٌ أَعْجَبَهُ ، فَقَالَ : مَنْ هَذَا يَا رَبِّ ؟ قَالَ : هَذَا مِنْ وَلَدِكَ اسْمُهُ دَاوُدُ ، قَالَ : وَكَمْ عُمُرُهُ يَا رَبِّ ؟ قَالَ : سِتُّونَ سَنَةً ، قَالَ : زِدْهُ مِنْ عُمُرِي أَرْبَعِينَ سَنَةً ، قَالَ : إِذًا يُكْتَبُ وَيُخْتَمُ وَلَا يُبَدَّلُ ، قَالَ : فَلَمَّا نَفِدَ عُمُرُ آدَمَ إِلَى الْأَرْبَعِينَ الَّتِي وَهَبَهَا لِدَاوُدَ ، أَتَاهُ مَلَكُ الْمَوْتِ ، فَقَالَ آدَمُ : إِنَّهُ قَدْ بَقِيَ مِنْ عُمُرِي أَرْبَعُونَ سَنَةً ، قَالَ : أَلَمْ تُعْطِهَا ابْنَكَ دَاوُدَ ؟ قَالَ : فَجَحَدَ فَجَحَدَتْ ذُرِّيَّتُهُ ، وَخَطِئَ آدَمُ فَخَطِئَتْ ذُرِّيَّتُهُ ، وَنَسِيَ فَنَسِيَتْ ذُرِّيَّتُهُ ، فَرَأَى فِيهِمُ الْقَوِيَّ وَالضَّعِيفَ وَالْغَنِيَّ وَالْفَقِيرَ وَالْمُبْتَلَى ، قَالَ : يَا رَبِّ ، أَلَا سَوَّيْتَ بَيْنَهُمْ ؟ قَالَ : أَرَدْتُ أَنْ أُشْكَرَ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جب اللہ تعالیٰ نے آدم علیہ السلام کو پیدا فرمایا تو ان کی پشت پر دستِ قدرت پھیرا جس سے ان کی نسل کی وہ تمام روحیں جھڑ پڑیں جو قیامت تک پیدا ہونے والی تھیں، پھر اللہ تعالیٰ نے انہیں آدم علیہ السلام کے سامنے پیش کیا تو انہوں نے ان میں سے ہر انسان کے چہرے پر نور کی ایک چمک دیکھی۔ آدم علیہ السلام نے ان میں سے ایک شخص کو دیکھا جس کی چمک انہیں بہت بھلی معلوم ہوئی، تو انہوں نے دریافت کیا کہ اے میرے رب! یہ کون ہے؟ اللہ تعالیٰ نے فرمایا کہ یہ تمہاری اولاد میں سے ہے اور اس کا نام داؤد ہے۔ آدم علیہ السلام نے عرض کیا کہ اے میرے رب! اس کی عمر کتنی مقرر کی ہے؟ اللہ تعالیٰ نے فرمایا کہ ساٹھ سال۔ انہوں نے عرض کیا کہ اے پروردگار! میری عمر میں سے چالیس سال اس کی عمر میں بڑھا دیجیے۔ اللہ تعالیٰ نے فرمایا کہ پھر اسے لکھ کر مہر لگا دی جائے گی اور اس میں کوئی تبدیلی نہیں ہوگی۔ چنانچہ جب آدم علیہ السلام کی عمر کے وہ چالیس سال باقی رہ گئے جو انہوں نے داؤد علیہ السلام کو عطیہ کر دیے تھے تو ان کے پاس موت کا فرشتہ آیا، آدم علیہ السلام نے کہا کہ ابھی تو میری عمر کے چالیس سال باقی ہیں؟ فرشتے نے کہا کہ کیا آپ نے وہ اپنے بیٹے داؤد کو نہیں دے دیے تھے؟ آپ ﷺ نے فرمایا کہ پس آدم علیہ السلام نے انکار کیا تو ان کی ذریت بھی انکار کرنے لگی، آدم علیہ السلام سے چوک ہوئی تو ان کی ذریت سے بھی چوک ہونے لگی اور آدم علیہ السلام بھول گئے تو ان کی ذریت بھی بھولنے لگی۔ پھر آدم علیہ السلام نے اپنی اولاد میں طاقتور اور کمزور، غنی اور فقیر اور آزمائش میں مبتلا لوگ دیکھے تو عرض کیا کہ اے میرے رب! تو نے ان سب کو ایک جیسا برابر کیوں نہیں بنایا؟ اللہ تعالیٰ نے فرمایا کہ میں نے چاہا کہ میرا شکر ادا کیا جائے“۔