مسند أبي يعلى الموصلي

حَدَّثَنَا أَبُو هِشَامٍ ، حَدَّثَنَا ابْنُ فُضَيْلٍ ، حَدَّثَنَا أَبُو مَالِكٍ الْأَشْجَعِيُّ ، عَنْ أَبِي حَازِمٍ ، عَنْ أَبِي هُرَيْرَةَ . 376 - ( 6221 6216 ) - ( م ) - وَعَنْ رِبْعِيٍّ ، عَنْ حُذَيْفَةَ ، قَالَا : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : أَضَلَّ اللهُ عَنِ الْجُمُعَةِ مَنْ كَانَ قَبْلَنَا ، فَكَانَ لِلْيَهُودِ يَوْمُ السَّبْتِ ، وَلِلنَّصَارَى يَوْمُ الْأَحَدِ ، فَجَاءَ اللهُ بِنَا فَهَدَانَا لِيَوْمِ الْجُمُعَةِ ، فَجَعَلَ الْجُمُعَةَ وَالسَّبْتَ وَالْأَحَدَ ، وَكَذَلِكَ هُمْ تَبَعٌ لَنَا يَوْمَ الْقِيَامَةِ ، نَحْنُ الْآخِرُونَ فِي الدُّنْيَا ، الْأَوَّلُونَ يَوْمَ الْقِيَامَةِ ، الْمَقْضِيُّ لَهُمْ يَوْمَ الْقِيَامَةِ عَلَى الْخَلَائِقِ ، يَجْمَعُ اللهُ النَّاسَ فِي صَعِيدٍ وَاحِدٍ ، فَيَقُولُ الْمُؤْمِنُونَ حِينَ تُزْلَفُ الْجَنَّةُ : مَنْ يَسْتَفْتِحُ لَنَا الْجَنَّةَ ؟ فَيَأْتُونَ آدَمَ ، فَيَقُولُونَ : يَا آدَمُ ، اسْتَفْتِحْ لَنَا الْجَنَّةَ ، فَيَقُولُ : وَهَلْ أَخْرَجَكُمْ مِنَ الْجَنَّةِ إِلَّا خَطِيئَةُ أَبِيكُمْ آدَمَ ، لَسْتُ بِصَاحِبِ ذَلِكَ ، اعْمِدُوا إِلَى أَبِيكُمْ إِبْرَاهِيمَ ، خَلِيلِ رَبِّهِ ، فَيَأْتُونَهُ ، فَيَقُولُونَ : يَا إِبْرَاهِيمُ ، اسْتَفْتِحْ لَنَا الْجَنَّةَ ، فَيَقُولُ : لَسْتُ بِصَاحِبِ ذَلِكَ ، إِنَّمَا كُنْتُ خَلِيلًا مِنْ وَرَاءَ وَرَاءَ ، اعْمِدُوا إِلَى أَخِي مُوسَى الَّذِي كَلَّمَهُ اللهُ تَكْلِيمًا ، فَيَأْتُونَ مُوسَى ، فَيَقُولُ : لَسْتُ بِصَاحِبِ ذَلِكَ ، اذْهَبُوا إِلَى كَلِمَةِ اللهِ وَرُوحِهِ عِيسَى ، فَيَأْتُونَهُ ، فَيَقُولُ : لَسْتُ بِصَاحِبِ ذَلِكَ ، اذْهَبُوا إِلَى مُحَمَّدٍ - صَلَّى اللهُ عَلَيْهِ وَسَلَّمَ - فَيَأْتُونَ مُحَمَّدًا فَيَسْتَأْذِنُ فَيُؤْذَنُ لَهُ ، فَتُرْسَلُ مَعَهُ الْأَمَانَةُ وَالرَّحِمُ ، فَتَقِفَانِ بِجَنَبَتَيِ الصِّرَاطِ يَمِينِهِ وَشِمَالِهِ ، فَيَمُرُّ أَوَّلُكُمْ كَمَرِّ الْبَرْقِ كَيْفَ يَمُرُّ ، ثُمَّ يَرْجِعُ فِي طَرْفَةٍ ، ثُمَّ يَمُرُّ كَمَرِّ الرِّيحِ ، ثُمَّ يَمُرُّ كَمَرِّ الطَّيْرِ ، ثُمَّ كَشَدِّ الرِّجَالِ تَجْرِي بِهِمْ أَعْمَالُهُمْ ، وَنَبِيُّكُمْ - صَلَّى اللهُ عَلَيْهِ وَسَلَّمَ - قَائِمٌ عَلَى الصِّرَاطِ ، يَقُولُ : سَلِّمْ ، حَتَّى تَعْجِزَ أَعْمَالُ النَّاسِ ، حَتَّى يَجِيءَ الرَّجُلُ لَا يَسْتَطِيعُ أَنْ يَمُرَّ إِلَّا زَحْفًا ، وَفِي حَافَتَيِ الصِّرَاطِ كَلَالِيبُ مُعَلَّقَةٌ مَأْمُورَةٌ ، تَأْخُذُ مَنْ أُمِرَتْ بِهِ ، فَنَاجٍ مَخْدُوشٌ ، وَمَكْدُوسٌ فِي النَّارِ .
وَالَّذِي نَفْسُ أَبِي هُرَيْرَةَ بِيَدِهِ ، إِنَّ قَعْرَ جَهَنَّمَ تِسْعِينَ خَرِيفًا .

سیدنا ابوہریرہ اور سیدنا حذیفہ رضی اللہ عنہما سے روایت ہے کہ رسول اللہ ﷺ نے ارشاد فرمایا: ”اللہ تعالیٰ نے ان لوگوں کو جمعہ کی فضیلت سے محروم کر دیا جو ہم سے پہلے تھے، چنانچہ یہودیوں کے لیے ہفتہ کا دن مقرر ہوا اور عیسائیوں کے لیے اتوار کا، پھر اللہ تعالیٰ ہمیں لے کر آیا اور اس نے جمعہ کے دن کے لیے ہماری رہنمائی فرمائی، اس طرح اللہ نے جمعہ، ہفتہ اور اتوار کی ترتیب بنا دی، اور اسی طرح یہ لوگ قیامت کے دن بھی ہمارے متبع اور پیچھے ہوں گے، ہم دنیا میں سب سے آخر میں آنے والے ہیں لیکن قیامت کے دن تمام مخلوقات میں سب سے اول ہوں گے جن کے درمیان سب سے پہلے فیصلہ کیا جائے گا، اللہ تعالیٰ لوگوں کو ایک ہی میدان میں جمع فرمائے گا، تو جب جنت قریب لائی جائے گی تو اہل ایمان آپس میں کہیں گے کہ کون ہے جو ہمارے لیے جنت کا دروازہ کھلوائے؟ پھر وہ سیدنا آدم علیہ السلام کے پاس آئیں گے اور عرض کریں گے: اے آدم! ہمارے لیے جنت کا دروازہ کھلوائیے، وہ جواب دیں گے: تمہیں تمہارے باپ آدم کی لغزش ہی نے تو جنت سے نکلوایا تھا، میں اس عظیم کام کا اہل نہیں، تم اپنے باپ سیدنا ابراہیم علیہ السلام کے پاس جاؤ جو اپنے رب کے خلیل ہیں، وہ ان کے پاس آئیں گے اور کہیں گے: اے ابراہیم! ہمارے لیے جنت کھلوائیے، وہ کہیں گے: میں اس منصب کا اہل نہیں ہوں، میں تو محض دور پرے سے ایک خلیل تھا، تم میرے بھائی سیدنا موسیٰ علیہ السلام کے پاس جاؤ جن سے اللہ نے کلام فرمایا، وہ ان کے پاس آئیں گے تو وہ فرمائیں گے: میں اس کا اہل نہیں، تم اللہ کے کلمہ اور اس کی روح سیدنا عیسیٰ علیہ السلام کے پاس جاؤ، جب وہ ان کے پاس آئیں گے تو وہ فرمائیں گے: میں اس مقام کا اہل نہیں، تم محمد ﷺ کی بارگاہ میں حاضر ہو جاؤ، چنانچہ وہ محمد ﷺ کے پاس آئیں گے، آپ ﷺ (دروازہ کھولنے کی) اجازت طلب کریں گے تو آپ کو اجازت دے دی جائے گی، پھر آپ ﷺ کے ساتھ امانت اور صلہ رحمی کو بھیجا جائے گا جو پل صراط کے دائیں اور بائیں جانب کھڑی ہو جائیں گی، تم میں سے پہلا شخص بجلی کی کڑک کی طرح تیزی سے گزر جائے گا، (صحابہ نے عرض کی: وہ کیسے گزرے گا؟) فرمایا: کیا تم نے دیکھا نہیں کہ بجلی کیسے پلک جھپکتے میں گزر کر واپس پلٹ آتی ہے؟ پھر بعض ہوا کی طرح، بعض پرندوں کی طرح اور بعض تیز دوڑنے والے مردوں کی طرح گزریں گے، ان کے اعمال ہی انہیں پار لے کر جائیں گے، اور تمہارے نبی ﷺ پل صراط پر کھڑے عرض کر رہے ہوں گے: «سَلِّمْ» ”اے اللہ! سلامتی عطا فرما“، یہاں تک کہ لوگوں کے اعمال عاجز آ جائیں گے اور ایک ایسا شخص آئے گا جو گھسٹ گھسٹ کر چلنے کے سوا کسی چیز کی طاقت نہ رکھتا ہوگا، اور پل صراط کے دونوں کناروں پر لوہے کے آنکڑے لٹکے ہوں گے جنہیں مقرر کیا گیا ہوگا کہ وہ ان لوگوں کو پکڑ لیں جن کے بارے میں انہیں حکم ملے گا، پس کوئی تو زخمی ہو کر نجات پا جائے گا اور کوئی اوندھا ہو کر جہنم کی آگ میں گرا دیا جائے گا“، اور اس ذات کی قسم جس کے قبضۂ قدرت میں ابوہریرہ کی جان ہے! بے شک جہنم کی گہرائی نوے سال کی مسافت کے برابر ہے۔