مسند أبي يعلى الموصلي

حَدَّثَنَا هُرَيْمُ بْنُ عَبْدِ الْأَعْلَى بْنِ الْفُرَاتِ الْأَسَدِيُّ، وَهَارُونُ بْنُ مَعْرُوفٍ قَالَا: حَدَّثَنَا الْمُعْتَمِرُ بْنُ سُلَيْمَانَ قَالَ: سَمِعْتُ أَبِي يُحَدِّثُ، عَنْ أَبِي حَازِمٍ، عَنْ أَبِي هُرَيْرَةَ قَالَ: قَالَ أَبُو جَهْلٍ: هَلْ يُعَفِّرُ مُحَمَّدٌ وَجْهَهُ بَيْنَ أَظْهُرِكُمْ؟ قَالُوا: نَعَمْ، قَالَ: فَبِالَّذِي نَحْلِفُ بِهِ لَوْ رَأَيْتُ ذَاكَ لَأَطَأَنَّ عَلَى رَقَبَتِهِ، قَالَ: فَقِيلَ لَهُ: هُوَ ذَاكَ يُصَلِّي، فَأَتَاهُ زَعَمَ لِيَطَأَ عَلَى رَقَبَتِهِ، قَالَ: فَمَا فَجِئَهُ مِنْهُ إِلَّا وَهُوَ يَنْكُصُ عَلَى عَقِبَيْهِ وَيَتَّقِي بِيَدَيْهِ، فَانْتَهَى إِلَيْهِ أَصْحَابُهُ فَقَالُوا: مَا لَكَ يَا أَبَا الْحَكَمِ؟ قَالَ: إِنَّ بَيْنِي وَبَيْنَهُ لَخَنْدَقًا مِنْ نَارٍ وَأَجْنِحَةً، فَقَالَ نَبِيُّ اللَّهِ صلى الله عليه وسلم: «وَالَّذِي نَفْسِي بِيَدِهِ، لَوْ دَنَا مِنِّي لَاخْتَطَفَتْهُ الْمَلَائِكَةُ عُضْوًا عُضْوًا» ، قَالَ فَأَنْزَلَ اللَّهُ: {أَرَأَيْتَ الَّذِي يَنْهَى، عَبْدًا إِذَا صَلَّى} [العلق: 10]، {أَرَأَيْتَ إِنْ كَذَّبَ وَتَوَلَّى} [العلق: 13] «يَعْنِي أَبَا جَهْلٍ»، {أَلَمْ يَعْلَمْ بِأَنَّ اللَّهَ يَرَى} [العلق: 14]، إِلَى آخِرِ الْآيَاتِ، {فَلْيَدْعُ نَادِيَهُ} [العلق: 17] «قَوْمَهُ»، {سَنَدْعُ الزَّبَانِيَةَ} [العلق: 18] قَالَ: «الْمَلَائِكَةُ»، {كَلَّا لَا تُطِعْهُ} [العلق: 19] «وَأَمَرَهُ بِالَّذِي أَمَرَهُ بِهِ» قَالَ هُرَيْمٌ: قَالَ الْمُعْتَمِرُ قَالَ: هَذَا أَبِي ذَكَرَهُ عَنْ أَبِي هُرَيْرَةَ أَمْ لَا، حِينَ ذَكَرَ {أَرَأَيْتَ الَّذِي يَنْهَى عَبْدًا إِذَا صَلَّى} [العلق: 9]

سیدنا ابو ہریرہ رضی اللہ عنہ سے روایت ہے کہ (ایک بار) ابو جہل نے پوچھا: ”کیا محمد (ﷺ) تمہارے درمیان اپنے چہرے کو خاک آلود کرتے (یعنی نماز پڑھتے) ہیں؟“ لوگوں نے جواب دیا: ”جی ہاں۔“ اس پر اس نے کہا: ”اس (لات و عزی) کی قسم جس کی ہم قسم اٹھاتے ہیں! اگر میں نے انہیں اس حال میں دیکھ لیا تو میں ضرور ان کی گردن کچل دوں گا۔“ راوی بیان کرتے ہیں کہ پھر اسے بتایا گیا کہ وہ (ﷺ) وہاں نماز پڑھ رہے ہیں، چنانچہ وہ اس زعم میں ان کی طرف بڑھا کہ ان کی گردن روند ڈالے، مگر اچانک لوگوں نے دیکھا کہ وہ اپنی ایڑیوں کے بل پیچھے ہٹ رہا ہے اور اپنے ہاتھوں سے (کسی چیز سے) بچاؤ کر رہا ہے۔ اس کے ساتھیوں نے اس کے پاس آکر پوچھا: ”اے ابوالحکم! تمہیں کیا ہوا؟“ اس نے جواب دیا: ”میرے اور ان کے درمیان آگ کی ایک خندق، ہولناکی اور پر (فرشتے) حائل تھے۔“ تب اللہ کے نبی ﷺ نے ارشاد فرمایا: ”اس ذات کی قسم جس کے دستِ قدرت میں میری جان ہے! اگر وہ میرے قریب آتا تو فرشتے اس کا ایک ایک عضو نوچ لیتے۔“ راوی کہتے ہیں کہ تب اللہ تعالیٰ نے یہ آیات نازل فرمائیں: ﴿بھلا آپ نے اس شخص کو دیکھا جو منع کرتا ہے، ایک بندے کو جب وہ نماز پڑھتا ہے﴾، ﴿بھلا دیکھو تو اگر وہ (حق کو) جھٹلاتا ہے اور منہ موڑتا ہے﴾ یعنی ابو جہل، ﴿کیا اسے علم نہیں کہ اللہ یقیناً دیکھ رہا ہے﴾ ان آیات کے آخر تک، ﴿پس وہ اپنی مجلس والوں کو بلا لے﴾ یعنی اپنی قوم کو، ﴿عنقریب ہم دوزخ کے کارندوں (فرشتوں) کو بلا لیں گے﴾۔ آپ ﷺ نے فرمایا: ”الزبانیہ سے مراد فرشتے ہیں۔“ ﴿ہرگز نہیں، آپ اس کا کہنا نہ مانیں﴾ اور اللہ نے آپ ﷺ کو اس بات کا حکم دیا جس کا حکم دیا گیا تھا۔ ہریم راوی کہتے ہیں کہ معتمر رحمہ اللہ نے کہا کہ مجھے یاد نہیں کہ میرے والد (سلیمان بن طرخان رحمہ اللہ) نے ان آیات ﴿بھلا آپ نے اس شخص کو دیکھا جو منع کرتا ہے، ایک بندے کو جب وہ نماز پڑھتا ہے﴾ کے تذکرے کے وقت اس کا انتساب سیدنا ابو ہریرہ رضی اللہ عنہ کی طرف کیا تھا یا نہیں۔