مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا وَكِيعٌ ، حَدَّثَنَا سُفْيَانُ ، عَنْ سَلَمَةَ بْنِ كُهَيْلٍ ، عَنْ حُجَيَّةَ بْنِ عَدِيٍّ ، قَالَ : جَاءَ رَجُلٌ إِلَى عَلِيٍّ ، فَقَالَ : إِنِّي اشْتَرَيْتُ بَقَرَةً ، فَقَالَ : اذْبَحْهَا عَنْ سَبْعَةٍ ، قَالَ : مَكْسُورَةُ الْقَرْنِ ، قَالَ : لَا يَضُرُّكَ ، قَالَ : عَرْجَاءُ ، قَالَ : إِذَا بَلَغَتِ الْمَنْسِكَ فَاذْبَحْ ، أَمَرَنَا رَسُولُ اللهِ صَلَّى اللهُ عَلَيْهِ وَسَلَّمَ ، أَنْ نَسْتَشْرِفَ الْعَيْنَ وَالْأُذُنَ .

حجیۃ بن عدی رحمہ اللہ سے روایت ہے کہ ایک شخص سیدنا علی رضی اللہ عنہ کی خدمت میں حاضر ہوا اور عرض کی کہ میں نے ایک گائے خریدی ہے، تو آپ رضی اللہ عنہ نے فرمایا: ”اسے سات افراد کی طرف سے ذبح کر دو“، اس نے عرض کی کہ اس کا سینگ ٹوٹا ہوا ہے، تو آپ رضی اللہ عنہ نے فرمایا: ”اس سے تمہیں کوئی حرج نہیں“، اس نے عرض کی کہ وہ لنگڑی ہے، تو آپ رضی اللہ عنہ نے فرمایا: ”اگر وہ قربان گاہ تک پہنچ جائے تو اسے ذبح کر دو، ہمیں رسول اللہ ﷺ نے حکم دیا ہے کہ ہم (قربانی کے جانور کی) آنکھوں اور کانوں کو اچھی طرح دیکھ لیا کریں۔“