مسند أبي يعلى الموصلي

وَبِهِ ، عَنْ أُمِّ مُوسَى ، قَالَتْ : ذُكِرَ عَبْدُ اللهِ بْنُ مَسْعُودٍ عِنْدَ عَلِيٍّ ، فَذَكَرَ مِنْ فَضْلِهِ ، ثُمَّ قَالَ : لَقَدِ ارْتَقَى مَرَّةً شَجَرَةً أَرَادَ أَنْ يَجْتَنِيَ لِأَصْحَابِهِ ، فَضَحِكَ أَصْحَابُهُ مِنْ دِقَّةِ سَاقِهِ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : مَا تَضْحَكُونَ ؟ فَلَهُوَ أَثْقَلُ فِي الْمِيزَانِ يَوْمَ الْقِيَامَةِ مِنْ أُحُدٍ .

ام موسیٰ رحمہا اللہ بیان کرتی ہیں کہ سیدنا علی رضی اللہ عنہ کے پاس سیدنا عبداللہ بن مسعود رضی اللہ عنہ کا تذکرہ ہوا تو آپ نے ان کے فضائل بیان کیے، پھر فرمایا کہ ”ایک مرتبہ وہ (ابن مسعود) درخت پر چڑھے تاکہ اپنے ساتھیوں کے لیے کچھ توڑ لائیں، تو ان کی پنڈلیوں کے دبلے پن کی وجہ سے ان کے ساتھی ہنس دیے، اس پر رسول اللہ ﷺ نے دریافت فرمایا: ”تم کس بات پر ہنس رہے ہو؟ یقیناً قیامت کے دن میزانِ عمل میں ان کی یہ پنڈلی احد پہاڑ سے بھی زیادہ وزنی ہوگی۔““