مسند أبي يعلى الموصلي

حَدَّثَنَا زُهَيْرٌ ، حَدَّثَنَا جَرِيرٌ ، عَنِ الْأَعْمَشِ ، عَنْ حَبِيبِ بْنِ أَبِي ثَابِتٍ ، عَنْ ثَعْلَبَةَ الْحِمَّانِيِّ ، قَالَ : سَمِعْتُ عَلِيًّا ، يَقُولُ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ ، وَأَشْهَدُ أَنَّهُ مِمَّا كَانَ يُشِيرُ إِلَيَّ : لَيُخَضَّبَنَّ هَذَا مِنْ دَمِ هَذَا . يَعْنِي لِحْيَتَهُ مِنْ دَمِ رَأْسِهِ .

ثعلبہ حِمّانی رحمہ اللہ بیان کرتے ہیں کہ میں نے سیدنا علی رضی اللہ عنہ کو یہ فرماتے ہوئے سنا کہ رسول اللہ ﷺ نے ارشاد فرمایا: ”جس نے مجھ پر جان بوجھ کر جھوٹ باندھا، وہ اپنا ٹھکانا جہنم کی آگ میں بنا لے“، نیز سیدنا علی رضی اللہ عنہ نے فرمایا: ”میں گواہی دیتا ہوں کہ ان پیش گوئیوں میں سے جن کی طرف نبی کریم ﷺ میری جانب اشارہ فرمایا کرتے تھے، ایک یہ بھی تھی کہ یہ یقیناً اس کے خون سے رنگ دی جائے گی، یعنی آپ ﷺ کی مراد یہ تھی کہ سیدنا علی رضی اللہ عنہ کی داڑھی ان کے سر کے خون سے رنگین ہو جائے گی۔“