مسند أبي يعلى الموصلي

حَدَّثَنَا نَصْرُ بْنُ عَلِيٍّ ، أَخْبَرَنَا عَبْدُ اللهِ بْنُ دَاوُدَ عَنْ هِشَامِ بْنِ سَعْدٍ ، عَنْ عُمَرَ بْنِ أُسَيْدٍ ، عَنِ ابْنِ عُمَرَ قَالَ : كُنَّا نَقُولُ عَلَى عَهْدِ رَسُولِ اللهِ - صَلَّى اللهُ عَلَيْهِ وَسَلَّمَ - : النَّبِيُّ ، ثُمَّ أَبُو بَكْرٍ ، ثُمَّ عُمَرُ ، وَلَقَدْ أُعْطِيَ عَلِيُّ بْنُ أَبِي طَالِبٍ ثَلَاثَ خِصَالٍ ؛ لَأَنْ يَكُونَ فِيَّ وَاحِدَةٌ مِنْهُنَّ أَحَبُّ إِلَيَّ مِنْ حُمْرِ النَّعَمِ : تَزَوَّجَ فَاطِمَةَ وَوَلَدَتْ لَهُ ، وَغَلَّقَ الْأَبْوَابَ غَيْرَ بَابِهِ ، وَدَفَعَ الرَّايَةَ إِلَيْهِ يَوْمَ خَيْبَرَ .

سیدنا عبد اللہ بن عمر رضی اللہ عنہما سے روایت ہے کہ انہوں نے فرمایا: ”ہم رسول اللہ ﷺ کے زمانہ اقدس میں (صحابہ کے مراتب کے حوالے سے) یہ کہا کرتے تھے کہ سب سے مقدم رسول اللہ ﷺ ہیں، پھر سیدنا ابو بکر رضی اللہ عنہ اور پھر سیدنا عمر رضی اللہ عنہ؛ اور یقیناً سیدنا علی بن ابی طالب رضی اللہ عنہ کو ایسی تین خصلتیں عطا کی گئی ہیں کہ ان میں سے کوئی ایک بھی میرے پاس ہوتی تو وہ مجھے بیش قیمت سرخ اونٹوں سے زیادہ محبوب ہوتی: (اول یہ کہ) ان کا نکاح سیدہ فاطمہ رضی اللہ عنہا سے ہوا اور ان سے ان کی اولاد ہوئی، (دوم) مسجد کی جانب کھلنے والے تمام دروازے بند کر دیے گئے سوائے ان کے دروازے کے، اور (سوم) خیبر کے دن انہیں اسلامی لشکر کا علم (جھنڈا) عطا کیا گیا۔“