مسند أبي يعلى الموصلي

حَدَّثَنَا وَهْبُ بْنُ بَقِيَّةَ ، أَخْبَرَنَا خَالِدٌ ، عَنْ كُلَيْبِ بْنِ وَائِلٍ ، عَنْ حَبِيبِ بْنِ أَبِي مُلَيْكَةَ ، قَالَ : إِنِّي لَقَاعِدٌ عِنْدَ ابْنِ عُمَرَ ، إِذْ أَتَاهُ رَجُلٌ ، فَقَالَ : أَشَهِدَ عُثْمَانُ بَدْرًا ؟ قَالَ : لَا ، قَالَ : فَشَهِدَ بَيْعَةَ الرِّضْوَانِ ؟ قَالَ : لَا ، قَالَ : فَكَانَ مِمَّنْ تَوَلَّى يَوْمَ الْتَقَى الْجَمْعَانِ ؟ قَالَ : نَعَمْ ، قَالَ : فَانْطَلَقَ ، فَقِيلَ لَهُ : يَا أَبَا عَبْدِ الرَّحْمَنِ ، إِنَّ هَذَا سَيُخْبِرُ أَنَّكَ تَنَقَّصْتَ عُثْمَانَ ، قَالَ : رُدُّوهُ عَلَيَّ ، قَالَ لَهُ ابْنُ عُمَرَ : أَمَّا يَوْمَ بَدْرٍ ، فَإِنَّ رَسُولَ اللهِ - صَلَّى اللهُ عَلَيْهِ وَسَلَّمَ - خَلَّفَهُ لِحَاجَتِهِ ، فَأَسْهَمَ لَهُ ، وَلَمْ يَكُنْ لِيُسْهِمَ لِغَائِبٍ ، وَأَمَّا بَيْعَةُ الرِّضْوَانِ ، فَإِنَّ رَسُولَ اللهِ - صَلَّى اللهُ عَلَيْهِ وَسَلَّمَ - بَعَثَهُ إِلَى أَهْلِ مَكَّةَ ، فَأَخْرَجَ رَسُولُ اللهِ - صَلَّى اللهُ عَلَيْهِ وَسَلَّمَ - يَدَيْهِ فَمَسَحَهَا عَلَى كَفِّهِ ، قَالَ : هَذِهِ لِعُثْمَانَ ، فَيَدُ رَسُولِ اللهِ خَيْرٌ مِنْ يَدِ عُثْمَانَ ، وَأَمَّا يَوْمَ الْتَقَى الْجَمْعَانِ ، فَإِنَّ اللهَ قَدْ عَفَا عَنْهُمُ ، اذْهَبْ فَاجْهَدْ عَلَيَّ جَهْدَكَ .

حبیب بن ابی ملیکہ رحمہ اللہ بیان کرتے ہیں کہ میں سیدنا ابن عمر رضی اللہ عنہما کے پاس بیٹھا ہوا تھا کہ ایک شخص ان کے پاس آیا اور سوال کیا: ”کیا سیدنا عثمان رضی اللہ عنہ غزوہ بدر میں حاضر تھے؟“ انہوں نے جواب دیا: ”نہیں۔“ اس نے پوچھا: ”کیا وہ بیعتِ رضوان میں شریک تھے؟“ انہوں نے فرمایا: ”نہیں۔“ اس نے پھر پوچھا: ”کیا وہ ان لوگوں میں سے تھے جو اس دن پیٹھ پھیر گئے تھے جب دو جماعتوں کا آمنا سامنا ہوا تھا؟“ انہوں نے فرمایا: ”ہاں۔“ وہ شخص وہاں سے چل دیا تو سیدنا ابن عمر رضی اللہ عنہما سے کہا گیا: ”اے ابو عبدالرحمن! یہ شخص اب یہ تشہیر کرے گا کہ آپ نے سیدنا عثمان رضی اللہ عنہ کی تنقیص کی ہے۔“ آپ نے فرمایا: ”اسے میرے پاس واپس لاؤ۔“ پھر آپ نے اس سے فرمایا: ”رہی بات غزوہ بدر کی تو رسول اللہ ﷺ نے انہیں اپنی ایک ضرورت (یعنی رسول اللہ ﷺ کی صاحبزادی کی تیمار داری) کے باعث پیچھے چھوڑا تھا، پھر رسول اللہ ﷺ نے مالِ غنیمت میں ان کا باقاعدہ حصہ بھی مقرر کیا، جبکہ آپ ﷺ کسی غیر حاضر کا حصہ مقرر نہیں فرماتے تھے (تاوقتیکہ وہ کسی شرعی مہم پر نہ ہو)۔ رہی بات بیعتِ رضوان کی تو رسول اللہ ﷺ نے انہیں اہلِ مکہ کی طرف (سفیر بنا کر) بھیجا تھا، پھر رسول اللہ ﷺ نے اپنے دونوں ہاتھ نکالے اور ایک ہاتھ کو دوسرے پر مار کر فرمایا: ”یہ عثمان کی طرف سے ہے“، پس رسول اللہ ﷺ کا ہاتھ سیدنا عثمان رضی اللہ عنہ کے ہاتھ سے کہیں بہتر ہے۔ اور رہا وہ معاملہ جب دو جماعتیں باہم ٹکرائی تھیں (یعنی غزوہ احد) تو اللہ تعالیٰ ان کے متعلق معافی کا اعلان فرما چکا ہے؛ اب جاؤ اور (یہ باتیں لے کر) میرے خلاف جو زور لگا سکتے ہو لگا لو۔“