مسند أبي يعلى الموصلي

حَدَّثَنَا يَحْيَى ، عَنْ سُفْيَانَ ، حَدَّثَنِي أَبِي ، عَنْ أَبِي يَعْلَى ، عَنِ الرَّبِيعِ بْنِ خُثَيْمٍ ، عَنْ عَبْدِ اللهِ ، قَالَ : خَطَّ لَنَا رَسُولُ اللهِ - صَلَّى اللهُ عَلَيْهِ وَسَلَّمَ - خَطًّا مُرَبَّعًا ، وَخَطَّ وَسَطَهُ خُطُوطًا هَكَذَا إِلَى جَانِبِ الْخَطِّ ، وَخَطَّ خَطًّا خَارِجًا ، فَقَالَ : أَتَدْرُونَ مَا هَذَا ؟ فَقُلْنَا : اللهُ وَرَسُولُهُ أَعْلَمُ ، قَالَ : هَذَا الْإِنْسَانُ - لِلْخَطِّ الَّذِي وَسَطَ الْخَطِّ - ، وَهَذَا الْأَجَلُ ، وَهَذِهِ الْأَعْرَاضُ - لِلْخُطُوطِ - تَنْهَشُهُ ، إِذَا أَخْطَأَهُ هَذَا أَصَابَهُ هَذَا ، وَذَلِكَ الْأَمَلُ - لِلْخَطِّ الْخَارِجِ - .

سیدنا عبداللہ رضی اللہ عنہ سے روایت ہے کہ رسول اللہ ﷺ نے ہمارے لیے زمین پر ایک چوکور نقشہ کھینچا، پھر اس کے وسط میں کچھ لکیریں اس طرح کھینچیں جو درمیانی لکیر کے پہلو کی جانب جاتی تھیں، اور ایک لکیر اس چوکھٹے سے باہر کی طرف کھینچی، پھر آپ ﷺ نے دریافت فرمایا: ”کیا تم جانتے ہو کہ یہ کیا ہے؟“ ہم نے عرض کیا کہ اللہ اور اس کا رسول بہتر جانتے ہیں، آپ ﷺ نے (درمیان والی لکیر کی بابت) فرمایا: ”یہ انسان ہے، اور یہ (چوکور لکیر) اس کی اجل ہے جو اسے ہر طرف سے گھیرے ہوئے ہے، اور یہ (چھوٹی لکیریں) وہ حوادث و آفات ہیں جو اسے ڈستی رہتی ہیں، اگر انسان ایک سے بچ نکلے تو دوسرا اسے آ لیتا ہے، اور وہ جو لکیر چوکھٹے سے باہر ہے وہ اس کی لمبی امیدیں ہیں“۔