مسند أبي يعلى الموصلي

حَدَّثَنَا عُبَيْدُ اللهِ بْنُ عُمَرَ ، حَدَّثَنَا وَهْبُ بْنُ جَرِيرٍ ، حَدَّثَنَا أَبِي ، عَنْ أَبِي إِسْحَاقَ ، عَنْ يَزِيدَ بْنِ رُومَانَ الْقُرَظِيِّ ، عَنْ رَجُلٍ سَمَّاهُ وَنَسِيتُهُ ، عَنْ عَلِيِّ بْنِ أَبِي طَالِبٍ ، قَالَ : خَرَجْتُ فِي غَدَاةٍ شَاتِيَةٍ جَائِعًا وَقَدْ أَوْبَقَنِي الْبَرْدُ ، فَأَخَذْتُ ثَوْبًا مِنْ صُوفٍ قَدْ كَانَ عِنْدَنَا ، ثُمَّ أَدْخَلْتُهُ فِي عُنُقِي وَحَزَمْتُهُ عَلَى صَدْرِي أَسْتَدْفِئُ بِهِ ، وَاللهِ مَا فِي بَيْتِي شَيْءٌ آكُلُ مِنْهُ ، وَلَوْ كَانَ فِي بَيْتِ النَّبِيِّ صَلَّى اللهُ عَلَيْهِ وَسَلَّمَ شَيْءٌ لَبَلَغَنِي ، فَخَرَجْتُ فِي بَعْضِ نَوَاحِي الْمَدِينَةِ فَانْطَلَقْتُ إِلَى يَهُودِيٍّ فِي حَائِطِهِ ، فَاطَّلَعْتُ عَلَيْهِ مِنْ ثُغْرَةِ جِدَارِهِ ، فَقَالَ : مَا لَكَ يَا أَعْرَابِيُّ ، هَلْ لَكَ فِي دَلْوٍ بِتَمْرَةٍ ؟ قُلْتُ : نَعَمِ ، افْتَحْ لِيَ الْحَائِطَ ، فَفَتَحَ لِي ، فَدَخَلْتُ ، فَجَعَلْتُ أَنْزِعُ الدَّلْوَ وَيُعْطِينِي تَمْرَةً ، حَتَّى مَلَأْتُ كَفِّي ، قُلْتُ : حَسْبِي مِنْكَ الْآنَ ، فَأَكَلْتُهُنَّ ثُمَّ جَرَعْتُ مِنَ الْمَاءِ ، ثُمَّ جِئْتُ إِلَى رَسُولِ اللهِ صَلَّى اللهُ عَلَيْهِ وَسَلَّمَ ، فَجَلَسْتُ إِلَيْهِ فِي الْمَسْجِدِ ، وَهُوَ مَعَ عِصَابَةٍ مِنْ أَصْحَابِهِ ، فَطَلَعَ عَلَيْنَا مُصْعَبُ بْنُ عُمَيْرٍ فِي بُرْدَةٍ لَهُ مَرْقُوعَةٍ بِفَرْوَةٍ ، وَكَانَ أَنْعَمَ غُلَامٍ بِمَكَّةَ وَأَرْفَهَهُ عَيْشًا ، فَلَمَّا رَآهُ النَّبِيُّ صَلَّى اللهُ عَلَيْهِ وَسَلَّمَ ذَكَرَ مَا كَانَ فِيهِ مِنَ النَّعِيمِ ، وَرَأَى حَالَهُ الَّتِي هُوَ عَلَيْهَا ، فَذَرَفَتْ عَيْنَاهُ ، فَبَكَى ، ثُمَّ قَالَ رَسُولُ اللهِ صَلَّى اللهُ عَلَيْهِ وَسَلَّمَ : أَنْتُمُ الْيَوْمَ خَيْرٌ ، أَمْ إِذَا غُدِيَ عَلَى أَحَدِكُمْ بِجَفْنَةٍ مِنْ خُبْزٍ وَلَحْمٍ ، وَرِيحَ عَلَيْهِ بِأُخْرَى ، وَغَدَا فِي حُلَّةٍ ، وَرَاحَ فِي أُخْرَى ، وَسَتَرْتُمْ بُيُوتَكُمْ كَمَا تُسْتَرُ الْكَعْبَةُ ؟ قُلْنَا : بَلْ نَحْنُ يَوْمَئِذٍ خَيْرٌ ، نَتَفَرَّغُ لِلْعِبَادَةِ ، قَالَ : بَلْ أَنْتُمُ الْيَوْمَ خَيْرٌ .

یزید بن رومان القرظی رحمہ اللہ ایک شخص سے، جن کا انہوں نے نام لیا تھا مگر میں (راوی) بھول گیا، روایت کرتے ہیں کہ سیدنا علی بن ابی طالب رضی اللہ عنہ نے بیان فرمایا: ”میں سردیوں کی ایک صبح سخت بھوک کی حالت میں گھر سے نکلا جبکہ سردی نے مجھے نڈھال کر رکھا تھا، چنانچہ میں نے اونی لباس کا ایک ٹکڑا لیا جو ہمارے پاس موجود تھا، اسے اپنی گردن میں ڈال کر سینے پر باندھ لیا تاکہ اس سے حرارت حاصل کر سکوں؛ اللہ کی قسم! میرے گھر میں کھانے کو کچھ نہ تھا اور اگر رسول اللہ ﷺ کے گھر میں بھی کچھ ہوتا تو مجھ تک خبر پہنچ جاتی، پھر میں مدینہ کے ایک نواحی علاقے کی طرف نکل کھڑا ہوا اور ایک یہودی کے باغ کے پاس پہنچا، میں نے دیوار کے ایک سوراخ سے اسے جھانک کر دیکھا تو اس نے کہا: اے اعرابی! تمہارا کیا معاملہ ہے؟ کیا تم ایک کھجور کے بدلے ایک ڈول پانی نکالنا پسند کرو گے؟ میں نے کہا: ہاں، میرے لیے باغ کا دروازہ کھول دو، اس نے دروازہ کھولا تو میں اندر داخل ہو گیا، پھر میں ڈول کے ذریعے پانی کھینچنے لگا اور وہ مجھے ہر ڈول پر ایک کھجور دینے لگا یہاں تک کہ میری ہتھیلی بھر گئی، میں نے کہا: اب میرے لیے اتنا ہی کافی ہے، پھر میں نے وہ کھجوریں کھائیں اور پانی پیا، اس کے بعد میں رسول اللہ ﷺ کی خدمت میں حاضر ہوا اور مسجد میں آپ ﷺ کے پاس بیٹھ گیا جبکہ آپ ﷺ اپنے صحابہ کی ایک جماعت کے ساتھ تشریف فرما تھے، اسی دوران سیدنا مصعب بن عمیر رضی اللہ عنہ ہمارے سامنے نمودار ہوئے جنہوں نے ایک چادر اوڑھ رکھی تھی جس پر کھال کے پیوند لگے ہوئے تھے، حالانکہ وہ مکہ کے سب سے زیادہ خوشحال اور ناز و نعم میں پلے ہوئے نوجوان تھے، جب نبی کریم ﷺ نے انہیں دیکھا تو ان کی سابقہ خوشحالی کو یاد فرمایا اور اب جس حال میں وہ تھے اسے دیکھ کر آپ ﷺ کی آنکھوں سے آنسو جاری ہو گئے اور آپ ﷺ رو دیے، پھر رسول اللہ ﷺ نے ارشاد فرمایا: ”تم آج بہتر ہو یا اس وقت بہتر ہو گے جب تمہارے سامنے صبح کے وقت گوشت و روٹی کا پیالہ رکھا جائے گا اور شام کو بھی ویسا ہی پیش کیا جائے گا، اور تم صبح ایک جوڑا پہنو گے اور شام کو دوسرا، اور اپنے گھروں کو اس طرح پردوں سے ڈھانپو گے جیسے کعبہ کو ڈھانپا جاتا ہے؟“ ہم نے عرض کیا: بلکہ ہم اس دن زیادہ بہتر ہوں گے کیونکہ تب ہم عبادت کے لیے فارغ ہوں گے، آپ ﷺ نے ارشاد فرمایا: ”نہیں، بلکہ تم آج ان دنوں کی نسبت زیادہ بہتر ہو۔“