مسند أبي يعلى الموصلي

حَدَّثَنَا أَبُو بَكْرِ بْنُ أَبِي شَيْبَةَ ، حَدَّثَنَا حَفْصٌ ، عَنْ دَاوُدَ ، عَنِ الشَّعْبِيِّ ، عَنْ مَسْرُوقٍ قَالَ : سَأَلْتُ عَائِشَةَ عَنْ هَذِهِ الْآيَةِ الَّتِي فِيهَا الرُّؤْيَةُ ، فَقَالَتْ : أَنَا أَعْلَمُ هَذِهِ الْأُمَّةِ بِهَذِهِ ، وَأَنَا سَأَلْتُ رَسُولَ اللهِ - صَلَّى اللهُ عَلَيْهِ وَسَلَّمَ - عَنْ ذَلِكَ قَالَ : رَأَيْتُ جِبْرِيلَ ، ثُمَّ قَالَتْ : مَنْ زَعَمَ أَنَّ مُحَمَّدًا رَأَى رَبَّهُ ، فَقَدْ أَعْظَمَ الْكَذِبَ عَلَى اللهِ .

مسروق رحمہ اللہ بیان کرتے ہیں کہ میں نے سیدہ عائشہ رضی اللہ عنہا سے اس آیت کے متعلق دریافت کیا جس میں رویت کا تذکرہ ہے، تو انہوں نے فرمایا: ”میں اس معاملے میں اس پوری امت میں سب سے زیادہ علم رکھنے والی ہوں کیونکہ میں نے خود رسول اللہ ﷺ سے اس کے بارے میں سوال کیا تھا، تو آپ ﷺ نے ارشاد فرمایا: ”میں نے جبرئیل (علیہ السلام) کو دیکھا تھا“، پھر انہوں نے فرمایا: ”جو شخص یہ دعویٰ کرے کہ محمد ﷺ نے اپنے رب کا دیدار کیا ہے، تو یقیناً اس نے اللہ تعالیٰ پر بہت بڑا جھوٹ باندھا ہے“۔