مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا وُهَيْبُ بْنُ خَالِدٍ ، عَنْ عَبْدِ الرَّحْمَنِ بْنِ حَرْمَلَةَ ، عَنْ عَبْدِ اللهِ بْنِ نِيَارٍ ، عَنْ عُرْوَةَ ، عَنْ عَائِشَةَ ، أَنَّ رَجُلًا اسْتَأْذَنَ عَلَى النَّبِيِّ - صَلَّى اللهُ عَلَيْهِ وَسَلَّمَ - فَقَالَ : مَنْ هَذَا ؟ فَقَالُوا : فُلَانٌ ، فَقَالَ : بِئْسَ الرَّجُلُ وَبِئْسَ ابْنُ الْعَشِيرَةِ - أَوْ كَمَا قَالَ - ائْذَنُوا لَهُ ، فَلَمَّا دَخَلَ انْبَسَطَ إِلَيْهِ ، فَقَالَتْ عَائِشَةُ : قُلْتَ : بِئْسَ الرَّجُلُ ، وَبِئْسَ ابْنُ الْعَشِيرَةِ ، ثُمَّ انْبَسَطْتَ إِلَيْهِ ؟ فَقَالَ : يَا عَائِشَةُ ، إِنَّ شَرَّ النَّاسِ عِنْدَ اللهِ يَوْمَ الْقِيَامَةِ مَنْ تَرَكَهُ النَّاسُ اتِّقَاءَ شَرِّهِ .

سیدہ عائشہ رضی اللہ عنہا سے روایت ہے کہ ایک شخص نے نبی ﷺ سے اندر آنے کی اجازت طلب کی تو آپ ﷺ نے دریافت فرمایا: ”یہ کون ہے؟“ لوگوں نے بتایا کہ فلاں شخص ہے، تو آپ ﷺ نے فرمایا: ”یہ کتنا برا آدمی ہے اور اپنے قبیلے کا کتنا برا فرد ہے - یا جس طرح آپ ﷺ نے ارشاد فرمایا - اسے اندر آنے کی اجازت دے دو۔“ پھر جب وہ شخص آپ ﷺ کی خدمت میں حاضر ہوا تو آپ ﷺ اس کے ساتھ بڑی خندہ پیشانی اور نرمی سے پیش آئے، جس پر سیدہ عائشہ رضی اللہ عنہا نے عرض کیا کہ آپ نے تو اس کے متعلق پہلے یہ فرمایا تھا کہ یہ کتنا برا شخص اور اپنے قبیلے کا کتنا برا فرد ہے، پھر آپ خود ہی اس کے ساتھ اتنی خوش اخلاقی سے پیش آئے؟ تو آپ ﷺ نے ارشاد فرمایا: ”اے عائشہ! قیامت کے دن اللہ تعالیٰ کے نزدیک مرتبے کے اعتبار سے بدترین انسان وہ ہوگا جسے لوگ اس کی بدزبانی اور شر کے ڈر سے چھوڑ دیں۔“