مسند أبي يعلى الموصلي

حَدَّثَنَا هُدْبَةُ بْنُ خَالِدٍ ، حَدَّثَنَا هَمَّامُ بْنُ يَحْيَى ، حَدَّثَنَا عَلِيُّ بْنُ زَيْدٍ ، عَنْ عَبْدِ اللهِ بْنِ الْحَارِثِ بْنِ نَوْفَلٍ ، أَنَّ أَبَاهُ وَلِيَ طَعَامَ عُثْمَانَ ، قَالَ أَبِي : فَكَأَنِّي أَنْظُرُ إِلَى الْحَجَلِ حَوْلَ الْجِفَانِ ، فَجَاءَ رَجُلٌ ، فَقَالَ لِعُثْمَانَ : إِنَّ عَلِيًّا يَكْرَهُ هَذَا ، فَبَعَثَ إِلَى عَلِيٍّ فَجَاءَ وَذِرَاعَاهُ مُتَلَطِّخَانِ مِنَ الْخَبَطِ ، فَقَالَ : إِنَّكَ لَكَثِيرُ الْخِلَافِ إِلَيْنَا ، فَقَالَ عَلِيٌّ : أُذَكِّرُ اللهَ رَجُلًا شَهِدَ رَسُولَ اللهِ صَلَّى اللهُ عَلَيْهِ وَسَلَّمَ أُهْدِيَ إِلَيْهِ عَجُزُ حِمَارِ وَحْشٍ ، فَقَالَ : إِنَّا مُحْرِمُونَ ، فَأَطْعِمُوهُ أَهْلَ الْحِلِّ ، فَقَامَ رِجَالٌ فَشَهِدُوا ، فَقَالَ عَلِيٌّ : أُذَكِّرُ اللهَ رَجُلًا شَهِدَ النَّبِيَّ صَلَّى اللهُ عَلَيْهِ وَسَلَّمَ أُهْدِيَ خَمْسَ بَيْضَاتِ نَعَامٍ ، فَقَالَ : إِنَّا مُحْرِمُونَ ، فَأَطْعِمُوهُ أَهْلَ الْحِلِّ ، فَقَامَ رِجَالٌ فَشَهِدُوا ، فَقَامَ عُثْمَانُ ، فَدَخَلَ فُسْطَاطَهُ ، وَظَعَنَ النَّاسُ ، وَتَرَكُوا الطَّعَامَ لِأَهْلِ الْمَاءِ .

سیدنا حارث بن نوفل رضی اللہ عنہ سے روایت ہے کہ وہ سیدنا عثمان رضی اللہ عنہ کے طعام کے منتظم تھے، وہ بیان کرتے ہیں کہ (ایک سفر کے دوران) گویا میں اب بھی بڑے لگنوں کے گرد چکوروں کے گوشت کو دیکھ رہا ہوں، اتنے میں ایک شخص آیا اور اس نے سیدنا عثمان رضی اللہ عنہ سے کہا کہ بے شک سیدنا علی رضی اللہ عنہ اسے (حالتِ احرام میں شکار کا گوشت ہونے کی وجہ سے) ناپسند کرتے ہیں، چنانچہ انہوں نے سیدنا علی رضی اللہ عنہ کی طرف بلاوا بھیجا، وہ اس حال میں تشریف لائے کہ ان کے دونوں بازو (جانوروں کے لیے پتے جھاڑنے کی وجہ سے) گرد آلود تھے، سیدنا عثمان رضی اللہ عنہ نے ان سے فرمایا: ”آپ ہمارے معاملات میں ہم سے بہت زیادہ اختلاف کرتے ہیں“، اس پر سیدنا علی رضی اللہ عنہ نے فرمایا: ”میں اس شخص کو اللہ کا واسطہ دے کر یاد دلاتا ہوں جس نے رسول اللہ ﷺ کو اس وقت دیکھا ہو جب آپ کی خدمت میں گورخر کی ران کا ہدیہ پیش کیا گیا تو آپ ﷺ نے فرمایا: ”بے شک ہم احرام کی حالت میں ہیں، لہٰذا اسے ان لوگوں کو کھلا دو جو احرام میں نہیں ہیں“، اس پر کئی لوگ کھڑے ہوئے اور انہوں نے اس کی گواہی دی، پھر سیدنا علی رضی اللہ عنہ نے فرمایا: ”میں اس شخص کو اللہ کا واسطہ دیتا ہوں جس نے نبی کریم ﷺ کو اس وقت دیکھا ہو جب آپ کو شتر مرغ کے پانچ انڈے ہدیہ کیے گئے تو آپ ﷺ نے فرمایا: ”ہم احرام کی حالت میں ہیں، لہٰذا اسے ان لوگوں کو کھلا دو جو احرام میں نہیں ہیں“، پس پھر کئی لوگ کھڑے ہوئے اور انہوں نے اس کی گواہی دی، یہ دیکھ کر سیدنا عثمان رضی اللہ عنہ وہاں سے اٹھے اور اپنے خیمے میں چلے گئے، جبکہ دیگر لوگ بھی وہاں سے روانہ ہو گئے اور وہ کھانا وہیں پانی کے مقام پر موجود لوگوں کے لیے چھوڑ دیا۔