مسند أبي يعلى الموصلي

حَدَّثَنَا أَبُو بَكْرِ بْنُ أَبِي شَيْبَةَ ، حَدَّثَنَا ابْنُ عُلَيَّةَ ، عَنِ ابْنِ عَوْنٍ ، عَنْ أَنَسِ بْنِ سِيرِينَ ، عَنْ عَبْدِ الْحَمِيدِ بْنِ الْمُنْذِرِ بْنِ الْجَارُودِ ، عَنْ أَنَسِ بْنِ مَالِكٍ ، قَالَ : صَنَعَ بَعْضُ عُمُومَتِي لِلنَّبِيِّ - صَلَّى اللهُ عَلَيْهِ وَسَلَّمَ - طَعَامًا ، فَقَالَ : إِنِّي أُحِبُّ أَنْ تَأْكُلَ فِي بَيْتِي وَتُصَلِّيَ فِيهِ ، قَالَ : فَأَتَاهُ وَفِي الْبَيْتِ فَحْلٌ مِنْ تِلْكَ الْفُحُولِ ، فَأَمَرَ بِجَانِبٍ مِنْهُ فَكُنِسَ وَرُشَّ ، فَصَلَّى وَصَلَّيْنَا مَعَهُ .

سیدنا انس بن مالک رضی اللہ عنہ سے روایت ہے کہ انہوں نے بیان کیا: ”میرے ایک چچا نے نبی کریم ﷺ کے لیے کھانا تیار کیا اور عرض کی کہ: ”میری دلی خواہش ہے کہ آپ ﷺ میرے گھر تشریف لا کر کھانا تناول فرمائیں اور وہاں نماز ادا فرمائیں“، سیدنا انس رضی اللہ عنہ فرماتے ہیں کہ پس رسول اللہ ﷺ ان کے ہاں تشریف لائے اور گھر میں (کھجور کے ریشوں سے بنی ہوئی) ایک پرانی چٹائی موجود تھی، چنانچہ آپ ﷺ نے اس کے ایک گوشے کے متعلق حکم دیا جسے جھاڑ کر صاف کیا گیا اور اس پر پانی چھڑکا گیا، پھر آپ ﷺ نے وہاں نماز ادا فرمائی اور ہم نے بھی آپ ﷺ کے ہمراہ نماز پڑھی۔“