مسند أبي يعلى الموصلي

حَدَّثَنَا أَبُو بَكْرِ بْنُ أَبِي شَيْبَةَ ، حَدَّثَنَا أَبُو مُعَاوِيَةَ ، عَنْ عَاصِمٍ ، عَنْ مُوَرِّقٍ ، عَنْ أَنَسٍ ، قَالَ : كُنَّا مَعَ رَسُولِ اللهِ - صَلَّى اللهُ عَلَيْهِ وَسَلَّمَ - فِي سَفَرٍ ، فَمِنَّا الصَّائِمُ ، وَمِنَّا الْمُفْطِرُ ، فَنَزَلْنَا مَنْزِلًا فِي يَوْمٍ حَارٍّ ، أَكْثَرُنَا ظِلًّا لَأَصْحَابُ الْكِسَاءِ ، فَمِنَّا مَنْ يَتَّقِي الشَّمْسَ بِيَدِهِ ، قَالَ : فَسَقَطَ الصُّوَّامُ وَقَامَ الْمُفْطِرُونَ ، فَضَرَبُوا الْأَبْنِيَةَ ، وَسَقَوُا الرِّكَابَ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : ذَهَبَ الْمُفْطِرُونَ الْيَوْمَ بِالْأَجْرِ .

سیدنا انس رضی اللہ عنہ سے روایت ہے کہ انہوں نے فرمایا: ”ہم ایک سفر میں رسول اللہ ﷺ کے ہمراہ تھے، ہم میں سے کچھ لوگ روزہ دار تھے اور کچھ روزے سے نہیں تھے، پھر ایک شدید گرم دن میں ہم نے ایک مقام پر پڑاؤ کیا، ہم میں سب سے زیادہ سائے والے وہ لوگ تھے جن کے پاس چادریں تھیں جبکہ ہم میں سے کچھ تو اپنے ہاتھ ہی سے دھوپ سے بچاؤ کر رہے تھے، (گرمی اور نقاہت کی وجہ سے) روزہ دار تو نڈھال ہو کر گر پڑے جبکہ وہ لوگ جو روزے سے نہیں تھے وہ سرگرمِ عمل رہے، انہوں نے خیمے نصب کیے اور سواریوں کو پانی پلایا، تو اس موقع پر رسول اللہ ﷺ نے ارشاد فرمایا: ”آج روزے نہ رکھنے والے سارا اجر سمیٹ کر لے گئے ہیں۔“”