مسند أبي يعلى الموصلي

كَتَبَ إِلَيَّ مُحَمَّدُ بْنُ غَالِبٍ بِخَطِّهِ ، قَالَ : حَدَّثَنِي الْمُثَنَّى ، قَالَ أَبُو يَعْلَى : يَعْنِي جَدِّي ، حَدَّثَنَا أَبُو شِهَابٍ ، عَنْ يَزِيدَ الرَّقَاشِيِّ ، عَنْ أَنَسِ بْنِ مَالِكٍ ، قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : أَقْرَعُ بَابَ الْجَنَّةِ ، فَيُفْتَحُ لِي بَابٌ مِنْ ذَهَبٍ وَحِلَقُهُ مِنْ فِضَّةٍ ، فَيَسْتَقْبِلُنِي النُّورُ الْأَكْبَرُ ، فَأَخِرُّ سَاجِدًا ، فَأُلْقِي مِنَ الثَّنَاءِ عَلَى اللهِ مَا لَمْ يُلْقِ أَحَدٌ قَبْلِي ، فَيُقَالُ لِي : ارْفَعْ رَأْسَكَ ، وَسَلْ تُعْطَ ، وَاشْفَعْ تُشَفَّعْ ، قُلْ يُسْمَعْ مِنْكَ ، فَأَقُولُ : أُمَّتِي ، فَيُقَالُ : لَكَ مَنْ كَانَ فِي قَلْبِهِ مِثْقَالُ شَعِيرَةٍ مِنْ إِيمَانٍ ، قَالَ : ثُمَّ أَسْجُدُ الثَّانِيَةَ ، فَأُلْقِي مِثْلَ ذَلِكَ ، فَأَقُولُ : أُمَّتِي ، فَيُقَالُ لِي : لَكَ مَنْ كَانَ فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ إِيمَانٍ ، ثُمَّ أَسْجُدُ الثَّالِثَةَ ، فَأُلْقِي مِثْلَ ذَلِكَ ، فَيُقَالُ لِي مِثْلُ ذَلِكَ ، ثُمَّ أَرْفَعُ رَأْسِي ، فَأَقُولُ : أُمَّتِي ، فَيُقَالُ : لَكَ مَنْ قَالَ : لَا إِلَهَ إِلَّا اللهُ مُخْلِصًا .

سیدنا انس بن مالک رضی اللہ عنہ سے روایت ہے کہ رسول اللہ ﷺ نے ارشاد فرمایا: ”میں جنت کا دروازہ کھٹکھٹاؤں گا، تو میرے لیے سونے کا ایک ایسا دروازہ کھولا جائے گا جس کا کنڈا چاندی کا ہوگا، پھر ایک عظیم نور میرا استقبال کرے گا تو میں سجدے میں گر جاؤں گا اور اللہ تعالیٰ کی ایسی حمد و ثنا بیان کروں گا جو مجھ سے پہلے کسی نے بیان نہ کی ہوگی، پس مجھ سے کہا جائے گا: اپنا سر اٹھائیں، مانگیں آپ کو عطا کیا جائے گا، شفاعت کریں آپ کی شفاعت قبول کی جائے گی اور بات کہیں آپ کی بات سنی جائے گی، میں عرض کروں گا: اے میرے رب! میری امت، تو ارشاد ہوگا: آپ کے لیے ہر وہ شخص (جنت میں داخلے کا حقدار) ہے جس کے دل میں جو کے برابر بھی ایمان ہوگا، آپ ﷺ نے فرمایا: پھر میں دوسری بار سجدہ کروں گا اور دوبارہ اسی طرح (حمد و ثنا) پیش کروں گا اور عرض کروں گا: میری امت، تو مجھ سے کہا جائے گا: آپ کے لیے وہ ہے جس کے دل میں رائی کے دانے کے برابر بھی ایمان ہوگا، پھر میں تیسری بار سجدہ کروں گا اور دوبارہ اسی طرح (حمد و ثنا) کروں گا تو مجھ سے پھر وہی بات کہی جائے گی، پھر میں اپنا سر اٹھاؤں گا اور عرض کروں گا: میری امت، تو ارشاد ہوگا: آپ کے لیے وہ شخص ہے جس نے خلوصِ دل سے «لَا إِلَهَ إِلَّا اللَّهُ» ”اللہ کے سوا کوئی سچا معبود نہیں“ کہا ہوگا۔“