مسند أبي يعلى الموصلي

حَدَّثَنَا شَبَابٌ خَلِيفَةُ بْنُ خَيَّاطٍ الْعُصْفُرِيُّ ، حَدَّثَنَا الْمُعْتَمِرُ بْنُ سُلَيْمَانَ ، قَالَ : سَمِعْتُ أَبِي ، عَنْ أَنَسِ بْنِ مَالِكٍ ، قَالَ : كَانَ الرَّجُلُ يَجْعَلُ لِلنَّبِيِّ - صَلَّى اللهُ عَلَيْهِ وَسَلَّمَ - مِنْ نَخْلِهِ الصَّدَقَاتِ ، حَتَّى فُتِحَتْ قُرَيْظَةُ وَالنَّضِيرُ ، فَجَعَلَ يَرُدُّ رَسُولُ اللهِ بَعْدَ ذَلِكَ ، وَإِنَّ أَهْلِي أَمَرُونِي أَنْ آتِيَ رَسُولَ اللهِ - صَلَّى اللهُ عَلَيْهِ وَسَلَّمَ - فَأَسْأَلَهُ الَّذِي كَانُوا أَعْطَوْهُ ، وَكَانَ رَسُولُ اللهِ - صَلَّى اللهُ عَلَيْهِ وَسَلَّمَ - قَدْ أَعْطَاهُنَّ أُمَّ أَيْمَنَ ، فَسَأَلْتُ النَّبِيَّ - صَلَّى اللهُ عَلَيْهِ وَسَلَّمَ - فَأَعْطَانِيهِنَّ ، فَجَاءَتْ أُمُّ أَيْمَنَ فَلَوَتِ الثَّوْبَ فِي عُنُقِي ، وَهِيَ تَقُولُ : كَلَّا ، وَالَّذِي لَا إِلَهَ غَيْرُهُ لَا يُعْطِيكَهُنَّ وَقَدْ أَعْطَانِيهِنَّ ، وَالنَّبِيُّ - صَلَّى اللهُ عَلَيْهِ وَسَلَّمَ - يَقُولُ : لَكِ كَذَا ، وَلَكِ كَذَا ، حَسِبْتُ أَنَّهُ قَالَ : وَهِيَ تَقُولُ : كَلَّا وَاللهِ ، حَتَّى أَعْطَاهَا عَشَرَةَ أَمْثَالِهِ .

سیدنا انس بن مالک رضی اللہ عنہ سے روایت ہے کہ ”صحابہ کرام نبی کریم ﷺ کو اپنے کھجور کے باغات میں سے کچھ درخت بطور عطیہ و صدقہ پیش کیا کرتے تھے، یہاں تک کہ جب بنو قریظہ اور بنو نضیر کے علاقے فتح ہو گئے تو اس کے بعد رسول اللہ ﷺ نے وہ عطیات واپس کرنا شروع کر دیے۔ میرے گھر والوں نے مجھے حکم دیا کہ میں رسول اللہ ﷺ کی خدمت میں حاضر ہو کر ان درختوں کی واپسی کا مطالبہ کروں جو انہوں نے آپ ﷺ کی نذر کیے تھے، جبکہ رسول اللہ ﷺ وہ درخت پہلے ہی سیدہ ام ایمن رضی اللہ عنہا کو عطا فرما چکے تھے۔ جب میں نے نبی کریم ﷺ سے ان کے متعلق عرض کیا تو آپ ﷺ نے وہ مجھے عطا فرما دیے، اتنے میں سیدہ ام ایمن رضی اللہ عنہا تشریف لے آئیں اور انہوں نے میرے گلے میں کپڑا لپیٹ کر مجھے پکڑ لیا اور کہنے لگیں: «كَلَّا وَالَّذِي لَا إِلَهَ غَيْرُهُ» ”ہرگز نہیں! اس ذاتِ اقدس کی قسم جس کے سوا کوئی معبودِ برحق نہیں، آپ ﷺ یہ درخت تمہیں نہیں دیں گے جبکہ وہ مجھے عطا کر چکے ہیں۔“ اس پر نبی کریم ﷺ سیدہ ام ایمن رضی اللہ عنہا سے فرمانے لگے: ”تمہیں ان کے بدلے اتنا ملے گا، اور اتنا ملے گا“ راوی کا بیان ہے کہ میرا گمان ہے کہ آپ ﷺ فرماتے رہے لیکن وہ یہی کہتی رہیں: ”ہرگز نہیں، اللہ کی قسم!“ یہاں تک کہ رسول اللہ ﷺ نے انہیں ان درختوں کے بدلے میں ان کی مثل دس گنا زیادہ عطا فرما دیا۔“