مسند أبي يعلى الموصلي

حَدَّثَنَا زُهَيْرٌ ، حَدَّثَنَا عَفَّانُ ، حَدَّثَنَا حَمَّادٌ ، أَخْبَرَنَا قَتَادَةُ ، وَحُمَيْدٌ ، وَثَابِتٌ ، عَنْ أَنَسٍ ، أَنَّ نَاسًا مِنْ عُرَيْنَةَ قَدِمُوا الْمَدِينَةَ فَاجْتَوَوْهَا ، فَبَعَثَهُمْ رَسُولُ اللهِ صَلَّى اللهُ عَلَيْهِ وَسَلَّمَ فِي إِبِلِ الصَّدَقَةِ ، فَقَالَ : اشْرَبُوا أَبْوَالَهَا وَأَلْبَانَهَا ، فَقَتَلُوا رَاعِي رَسُولِ اللهِ صَلَّى اللهُ عَلَيْهِ وَسَلَّمَ ، وَاسْتَاقُوا الْإِبِلَ ، وَارْتَدُّوا عَنِ الْإِسْلَامِ ، فَأُتِيَ النَّبِيُّ صَلَّى اللهُ عَلَيْهِ وَسَلَّمَ بِهِمْ ، فَقَطَعَ أَيْدِيَهُمْ وَأَرْجُلَهُمْ مِنْ خِلَافٍ ، وَسَمَرَ أَعْيُنَهُمْ ، وَأَلْقَاهُمْ بِالْحَرَّةِ . قَالَ أَنَسٌ : قَدْ كُنْتُ أَرَى أَحَدَهُمْ يَكْدُمُ الْأَرْضَ بِفِيهِ حَتَّى مَاتُوا ، وَرُبَّمَا قَالَ حَمَّادٌ : يَكْدُمُ الْأَرْضَ بِفِيهِ حَتَّى مَاتُوا .

سیدنا انس رضی اللہ عنہ سے روایت ہے کہ قبیلہ عرینہ کے کچھ لوگ مدینہ منورہ آئے تو انہیں یہاں کی آب و ہوا راس نہ آئی (اور وہ بیمار ہو گئے)، اس پر رسول اللہ ﷺ نے انہیں صدقہ کے اونٹوں میں بھیج دیا اور ارشاد فرمایا: «اشْرَبُوا أَبْوَالَهَا وَأَلْبَانَهَا» ”تم ان (اونٹوں) کا پیشاب اور دودھ پیو۔“ لیکن (صحت یاب ہونے کے بعد) انہوں نے رسول اللہ ﷺ کے چرواہے کو قتل کر دیا، اونٹ ہنکا کر لے گئے اور اسلام سے پھر کر مرتد ہو گئے، چنانچہ جب انہیں نبی کریم ﷺ کی بارگاہ میں لایا گیا تو آپ ﷺ نے ان کے ہاتھ اور پاؤں مخالف سمتوں سے کٹوا دیے، ان کی آنکھوں میں گرم سلائیاں پھروا دیں اور انہیں حرہ (مدینہ کے تپتے پتھریلے علاقے) میں ڈال دیا، سیدنا انس رضی اللہ عنہ فرماتے ہیں کہ ”میں نے ان میں سے ایک کو دیکھا کہ وہ (پیاس کی شدت سے) مرنے تک اپنے منہ سے زمین کو کاٹتا تھا یہاں تک کہ وہ سب مر گئے“، اور راویِ حدیث حماد رحمہ اللہ نے بسا اوقات یہ الفاظ بیان کیے کہ ”وہ اپنے منہ سے زمین کریدتے تھے یہاں تک کہ وہ سب مر گئے۔“