مسند أبي يعلى الموصلي

حَدَّثَنَا إِسْحَاقُ ، حَدَّثَنَا سُفْيَانُ ، قَالَ : سَمِعَ الزُّهْرِيُّ أَنَسًا يَقُولُ : قَدِمَ رَسُولُ اللهِ صَلَّى اللهُ عَلَيْهِ وَسَلَّمَ الْمَدِينَةَ وَأَنَا ابْنُ عَشْرِ سِنِينَ ، وَمَاتَ وَأَنَا ابْنُ عِشْرِينَ سَنَةً ، وَكُنَّ أُمَّهَاتِي يَحْثُثْنَنِي عَلَى خِدْمَتِهِ ، فَدَخَلَ عَلَيْنَا دَارَنَا فَحَلَبْنَا لَهُ مِنْ شَاةٍ دَاجِنٍ ، وَشُبْنَا لَهُ لَبَنَهَا بِمَاءٍ مِنْ بِئْرِ الدَّارِ ، وَأَبُو بَكْرٍ عَنْ يَمِينِهِ ، وَعُمَرُ نَاحِيَةً ، فَشَرِبَ النَّبِيُّ صَلَّى اللهُ عَلَيْهِ وَسَلَّمَ ، فَقَالَ عُمَرُ : يَا رَسُولَ اللهِ ، أَعْطِ أَبَا بَكْرٍ ، فَنَاوَلَهُ الْأَعْرَابِيَّ وَقَالَ : الْأَيْمَنُ فَالْأَيْمَنُ .

سیدنا انس رضی اللہ عنہ سے روایت ہے کہ انہوں نے بیان کیا: ”رسول اللہ ﷺ جب مدینہ منورہ تشریف لائے تو میری عمر دس برس تھی اور جب آپ ﷺ کی وفات ہوئی تو میں بیس برس کا تھا، میری مائیں (والدہ اور دیگر بزرگ خواتین) مجھے آپ ﷺ کی خدمت گزاری پر ابھارتی رہتی تھیں۔ ایک بار آپ ﷺ ہمارے گھر تشریف لائے تو ہم نے آپ ﷺ کے لیے گھر کی ایک پالتو بکری کا دودھ نکالا اور اس میں اپنے گھر کے کنویں کا پانی شامل کیا، اس وقت سیدنا ابوبکر رضی اللہ عنہ آپ ﷺ کے دائیں جانب تھے اور سیدنا عمر رضی اللہ عنہ ایک طرف (بائیں جانب) بیٹھے ہوئے تھے۔ نبی کریم ﷺ نے دودھ نوش فرمایا تو سیدنا عمر رضی اللہ عنہ نے عرض کیا: ’اے اللہ کے رسول! ابوبکر کو عطا فرمائیں‘، لیکن آپ ﷺ نے وہ پیالہ (وہاں موجود ایک) اعرابی کو تھما دیا اور ارشاد فرمایا: «الْأَيْمَنُ فَالْأَيْمَنُ» ”پہلے وہ جو دائیں طرف ہے، پھر وہ جو اس کے دائیں طرف ہو۔““